Semesters
PPU-DID1MS Didaktikk 1 Musikk og scenekunst
Ingen.
Emnet skal utvikle kunnskap om innhald i musikk- og scenekunstfaga, før og no. Undervisninga vil handle om arbeidsmåtar, vurdering og grunngjevingar for læringsarbeid i faga. Læreplananalyse og kritisk vurdering av faga sine kunnskapgrunnlag står sentralt, og dette blir kopla til arbeid med planlegging, gjennomføring og vurdering av undervisning.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal ha:
- Kunnskap om faget sin eigenart og mangfald, og dei utfordringane og moglegheitene dette gir som lærar
- Kunnskap om faget sin plass, grunngjeving og progresjon i skulen
- Kunnskap om undervisnings-, arbeids- og vurderingsformer generelt og fagspesifikt
Studenten kan:
- Analysere og drøfte utfordringar i læreplanar og øvrige styringsdokument knytt til faget sin plass i skulen
- Planlegge, gjennomføre, vurdere og grunngje undervisning i faget, tufta på mål for opplæringa, lokale og individuelle behov
- Legge til rette for skapande arbeid og erfaring, leie og motivere elevar i ulike typar arbeid med musikk og scenekunst, og skape eit trygt og inkluderande læringsmiljø for alle elevar
Studenten:
- Kan vise og utøve ei sjølvstendig og profesjonsetisk haldning i møte med alle elevar og kollegaer, og kan fremje dialog, toleranse og respekt
- Kan orientere seg i faglitteratur, reise relevante problemstillingar, undersøke og drøfte desse kritisk og utvikle sin eigen faglege praksis
Undervisninga vert gitt på ulike nivå: i plenum (felles fagdidaktikk) og i gruppe i aktuelle fag (spesifikk fagdidaktikk og estetikk-didaktikk). Studenten vil få arbeidskrav tilpassa studenten sin fagbakgrunn og med tilbod om individuell rettleiing.
Frammøtekrav:
Det er obligatorisk frammøte til undervisning og andre læringsaktivitetar knytt til emnet. Les om frammøtekrav i Forskrift om opptak, studium og eksamen ved Høgskulen i Volda § 7-6
Frammøtekrav gjeld undervisninga både i spesifikk fagdidaktikk og felles fagdidaktikk.
Arbeidskrav:
Presiseringar av arbeidskrava vert gitt ved studiestart. Du kan lese om arbeidskrav i Forskrift om studium og eksamen ved Høgskulen i Volda § 7-7.
Studentar i primærfag har følgjande arbeidskrav i tillegg til 80% frammøte:
Del A) Eitt arbeid om fagdidaktiske problemstillingar og undervisningsplanlegging.
Del B) Eitt arbeid om fagdidaktisk praksisrefleksjon i faglærarrolla
Studentar i sekundærfag har følgjande arbeidskrav:
Godkjent 80% frammøte i undervisning i sekundærfaget.
For å kunne ta eksamen i emnet må obligatorisk frammøte og arbeidskrav i pedagogikk 1 og didaktikk 1 vere godkjend.
Praksis 1 må vere påbyrja.
Sensur vert gjennomført i samsvar med Forskrift om opptak, studium og eksamen ved Høgskulen i Volda - Kapittel 10.
Emnet vert evaluert i samsvar med HVO sitt kvalitetssystem.
- Professional Teacher Qualification
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Oral examination | Individual | 45 Minutes | A-F, A is the best grade and E is the lowest passing grade | Tverrfagleg eksamen for didaktikk og pedagogikk. Det blir gitt to separate karakterar, ein for kvart emne. |