Framtida for lærarutdanning i Volda: invitasjon til seminar og workshop

Høgskulen i Volda inviterer til seminar med mål om å styrkje dialogen mellom lærarutdanningane og praksisfeltet, og samtidig gi god informasjon til dei som vurderer lærarutdanning. Arrangementet skal vere ein møteplass for erfaringsdeling, innspel og samtale om korleis vi kan utvikle attraktive, relevante og framtidsretta lærarutdanningar.

Seminaret rettar seg mot samarbeidspartnarar i praksisfeltet, medan arrangementet blir avslutta med eit ope torg for potensielle søkjarar og andre interesserte.

Program

13.00–14.00: Lunsj, Kantina i Berte Kanutte-huset
14.00–16.00: Seminar/workshop, Henrik Kaarstad-huset HK202
Vi inviterer samarbeidspartnarar i praksisfeltet til samtale og innspel knytt til:
- Rekruttering til lærarutdanningane
- Utvikling av vidareutdanningstilbod
- Kva vi bør vektleggje når vi formar framtidas lærarutdanningar i Volda
16.00–18.00: Bur det ein lærar i deg? Vel møtt til potensielle søkjarar og andre interesserte til eit uformelt utdanningstorg i kantina i Berte Kanutte-huset
- Få informasjon om barnehagelærarutdanning, grunnskulelærarutdanning, PPU og vidareutdanning
- Møt fagtilsette og studentar
- Still spørsmål om studium, studiekvardag og yrkesmoglegheiter

Vi håpar mange ønskjer å delta og bidra med erfaringar og perspektiv som er viktige for utviklinga av lærarutdanningane i åra som kjem.