Ny student i Volda

Informasjon undervegs i studiet kjem fleire stader, og du får tilgang når du er registrert:

• Studentportalen - her har vi samla alt av nyheiter, nyttige snarvegar og relevant og praktisk informasjon
• Canvas – systemet der du finn det meste knytt til undervisning på studiet ditt.
• Studentweb – informasjon knytt til eksamen, tidlegare resultat m.m.
• E-posten du får ved høgskulen – her kan det kome viktige meldingar.

Du kan følgje Høgskulen i Volda på Facebook, YouTube, Instagram og Snapchat (@hivolda). Elles er nyheiter på Studentportalen ei god kjelde til informasjon.

Studentsamskipnaden i Volda (SiVolda) er ein service- og velferdsorganisasjon for alle studentar i Volda. 

SiVolda tilbyr følgjande:

• studentbustad 
• kortidsleige på bustad for deg som skal på samling
• kantine på campus  
• Studenthuset ROKKEN 
• studentbarnehage 
• studentrådgjevar 
• helsestasjon for studentar 
• psykologisk helsetjeneste 
• helsekasse og helsefond
• studentvelferd – støtte til lag og organisasjonar

Private bustader
Det finst eit godt utval av bustader på privatmarknaden. Hybel.no er ein god stad å leite. Du finn også mykje på Facebook-sida Til leige i Volda og Ørsta.

Vi ønskjer å gi deg ei fin tid i Volda og møte deg på ein god måte. Vi har ei rekkje velferdstilbod som kan bidra til eit trygt og godt studieliv. I starten av semesteret presenterer vi desse for deg.

Har du utfordringar som gir deg ekstra hindringar, så du kan trenge ekstra oppfølging eller tilrettelegging? Dette hjelper vi deg med – berre ta kontakt! Ved Høgskulen i Volda skal vi gjere studiekvardagen god og tilgjengeleg for alle.

Vi tilrår alle studentar og tilsette å ta ein kik på sikresiden.no. Her finn du informasjon om kva du skal gjere om du hamnar i ein vanskeleg situasjon, og kven du kan kontakte lokalt. Det kan også vere smart å lage ein snarveg til sikresiden.no på mobilen din, så finn du raskt svar når du treng det. (Sjå korleis her.)

På nettsidene våre har vi ein knapp som heiter SEI FRÅ. Her kan du melde frå om vesentlege manglar, vanskelege ting du ikkje kan ta opp ved studiet, eller seie frå dersom du ikkje blir høyrd.

Det er enkelt å kome seg til og frå Volda. Reiser du med fly frå Gardermoen i Oslo, er du på Ørsta-Volda lufthamn på ein time. Om du vil reise med buss, er det daglege avgangar både til Oslo, Bergen og Trondheim. Til Ålesund går det buss om lag ein gong i timen.

Gå til oversikt over transportmåtar.

For å finne fram på campus anbefaler vi å laste ned appen Mazemap. Les meir om campus og fasilitetar

På denne sida har vi samla informasjon og tips til deg som er nettstudent

Tysdag 18. august er det offisiell opningsseremoni på campus med talar og underhaldning. Du som skal møte opp i Volda denne dagen, blir møtt av fagansvarlege for studiet ditt og fadrane som vil lose deg gjennom fadderveka.

Les meir om studentlag- og organisasjonar

Studentparlamentet ved Høgskulen i Volda

Les om kor mykje lån og stipend du kan få på Lånekassa sine sider.

Her finn du svar på spørsmål vi ofte får i samband med studiestart.