Kammermusikk

Sunnmøre kammermusikkfestival er meir enn konsertar med tilreisande artistar i verdsklasse. Festivalen byr også på programpostar som foredrag, meisterklassar, gratiskonsertar, konsert med unge musikarar frå kulturskulane og talentkonkurranse. Tre av fire foredragshaldarar er tilsette ved Høgskulen i Volda.

Høgskulen i Volda samarbeider med Sunnmøre kammermusikkfestival for å gje HVO-studentar, elevar i kulturskulane og publikum på Sunnmøre musikalske opplevingar og opplæring på internasjonalt nivå. Årets program har stor variasjon og ei imponerande artistliste.

Høgskulen i Volda er ein av støttespelarane bak Sunnmøre kammermusikkfestival. Samarbeidet styrkjer Volda som kultur- og studiestad og skaper meirverdi for ulike fagmiljø og studentar gjennom seminar, meisterklasser og konsertar. No er Kaja Robak tilsett som ny dagleg leiar.