Noregs forskingsråd (NFR)
Forskingsadministrasjonen kan gi støtte til forskarar ved høgskulen som skal søkje midlar frå Forskingsrådet til forskar- eller samarbeidsprosjekt. Ta kontakt med forskingsadministrasjonen så tidleg som mogleg dersom du skal søkje, slik at vi kan avklare kva støtte du treng.
Aktuelle utlysingar:
Forskingsrådet lyser no ut midlar til forskarprosjekt med søknadsfrist i vår:
- Einsemd, utanforskap og sosial ulikskap i helse: Midlane skal gå til forsking som bidrar til berekraftige helsefremjande og førebyggjande tiltak, behandling og tenester for å motverke einsemd, utanforskap og sosial ulikskap i helse. Søknadsfrist er 10. juni.
- Forsking og samarbeid for born og unge si deltaking og tryggleik: Midlane skal gå til forsking om verkemiddel som bidreg til god livskvalitet, tilhøyrsle og inkludering for born og unge (0-29 år). Søknadsfrist er 10. juni.
- Forsking på effektar av tiltak for betre kvalitet i barnehage, skule og vidaregåande opplæring: Midlane skal gå til prosjekt som ser på tiltak som kan auke kvalitet i barnehage, skule eller vidaregåande opplæring. Søknadsfrist er 10. juni.
- Forsking for auka samfunnstryggleik og beredskap. Søknadsfrist 10. juni.
- Forsking på kvinners helse: Søknadsfrist er 10. juni.
- Samarbeid for grøn og rettferdig omstilling: Søknadsfrist er 10. juni.
- Forsking for grøn og rettferdig omstilling: Søknadsfrist 10. juni.
I tillegg har FRIPRO løpande frist. Ei samla oversikt over aktuelle utlysingar frå Forskingsrådet kan ein finne på denne nettsida.
Tips til søknaden
NFR innfører nytt søknadssystem for hovuddelen av utlysingane i 2026. Gjer deg godt kjend med søknadsskjemaet i god tid før fristen, samt krav og føringar i utlysingsteksten. På denne nettsida kan du finne sju enkle tips til arbeidet med søknaden.
Søkjarwebinar
NFR tilbyr ei rekke webinar for deg som skal søkje. Informasjon om ulike arrangement kan ein finne på denne nettsida.
Fagekspertar
Dei fleste søknader til Forskingsrådet vert vurderte av ekspertar på tema og fagområde søknadene dreier seg om. NFR hentar ekspertar frå nasjonalt og internasjonalt leiande forskings- og innovasjonsmiljø. Les meir om behandling av søknadene her.