Skjønsmidlar

Fagleg tilsette ved Høgskulen i Volda (HVO) kan få støtte til tiltak som fremjar forskingsaktivitet og fagleg utviklingsarbeid gjennom ordninga skjønsmidlar. Ordninga skal bidra til å styrke forskings- og utviklingsarbeid ved HVO.

Forskingsgrupper og andre kan søkje om skjønsmidlar. Søknader vert handsama av Forskingsadministrasjonen og tildelt etter samråd med leiar i Forskingsutvalet. Det er ein føresetnad at søknaden er godkjent av dekan. Skjønsmidlane skal nyttast til konkrete tiltak og aktivitetar knytt til forsking og fagleg utviklingsarbeid, forskingssamarbeid og nettverksbygging, men som ikkje overlappar ordningane Utanlandsstipend og Såkornmidlar.

Forskingsutvalet godkjente reviderte retningslinjer for skjønsmidlar i sak 4/26. 

Ein einskild person skal vere søknadsansvarleg.

Det må argumenterast i søknaden for korleis aktiviteten passar med dei strategiske måla til avdelinga og HVO.

Søknaden kan involvere eksterne partnarar, men ansvarleg søkjar må vere tilsett ved HVO.

Søknaden skal innehalde ei kort skildring av tiltak/aktivitet, budsjett, og informasjon om fagleg formål og relevans. Maksimalt søknadsbeløp er inntil kr 50 000 per søknad.

Søknader vert handsama fortløpande.

Søknad fyllast ut i nettskjema. Søknadsfristen er løpande.

Spørsmål om ordninga kan rettast til Forskingsadministrasjonen.