Nyhende

Samstundes som ho gjerne vil gå i front og kjempe hardt for kulturfaga sine kår, ønsker Unni Hagen å bli oppfatta som ein føreseieleg leiar med godt humør som ser tilsette og studentar. Torsdag 1. august hadde den nye dekanen ved Avdeling for kulturfag sin første arbeidsdag ved Høgskulen i Volda.

Frå 1. august kan du semesterregistrere deg som student ved Høgskulen i Volda. Her finn du all informasjon du treng for å gjere det.

– Dei tilsette ved Høgskulen i Volda er i ein krevjande situasjon, seier rektor Johann Roppen. Den siste tida har det kome ei rekkje medieoppslag om arbeidsmiljøutfordringar. Samstundes vert det jobba med leiarkabalen ved Avdeling for mediefag. – Vi ønskjer å vere mest muleg opne, men samstundes verne om interne prosessar og ønskjer å informere dei tilsette først. 

Skal du studere i Volda til hausten og har ikkje fått deg ein plass å bu? Fortvil ikkje, det kan framleis ordne seg.

Det avtroppande styret ved HVO hadde i dag eit siste styremøte for å følgje opp sak om arbeidsmiljøet ved Avdeling for mediefag.

«Tradisjonen tru» er det fleire søkjarar enn studieplassar på sosialfag og mediefag ved HVO. Også barnehagelærar og ny historiebachelor på nett har håpefulle studentar på venteliste. 

Vart du for sein til å søke høgare utdanning? 20. juli er det lagt ut ledige studieplassar ved Høgskulen i Volda. Ikkje alle studia i Samordna opptak vart fullteikna, og det er no opna for søking på desse.