Sofag

Pengane kjem frå ei ordning regjeringa har for å ruste opp undervisningslokale med tanke på nye undervisningsformer. – Vi ønskjer å skape eit auditorium som gjer det mogleg veksle mellom ulike måtar å undervise på, seier dekan ved Avdeling for samfunnsfag Odd Ragnar Hunnes.

Henriette Løvik har fått eit nytt tankesett og større teoretisk og praktisk ballast med seg når ho går på jobb. Det takkar ho vidareutdanninga Miljøterapi i demensomsorga for.

Endringar i organiseringa av velferdstilbod fører til at sosialarbeidarar i dag møter situasjonar der helsefagleg kompetanse vert etterspurt. Høgskulen i Volda tilbyr som den einaste høgskulen i landet vidareutdanninga «Helsefag for sosialarbeidarar». Det tredje kullet startar på nyåret 2019.

Professor i sosiologi, Gunhild Hagestad, vitjar Høgskulen i Volda og vil halde ei opa førelesing med tittelen «Gode grunner for å ta livsløpsperspektivet på alvor», tysdag 30. oktober kl. 1315.

Korleis skal helse- og omsorgssektoren i Møre og Romsdal møte framtidas kompetansebehov? Det er hovudtema på ein konferanse Helse Møre og Romsdal, Høgskulen i Volda, Høgskolen i Molde, NTNU Ålesund og Møre og Romsdal fylkeskommune arrangerer i Volda i dag.

Ph.d.-studiet i helse og sosialfag: Profesjonsutøving – vilkår og utvikling er eit samarbeid mellom høgskulane i Volda og Molde. Torsdag 20. september møtes kandidatar, fagfolk og rettleiarar til Metodeforum i Volda med midtvegsvurderingar og seminar om forskingsformidling og forholdet til journalistar.

Over er arbeidsgruppa som har jobba med å utvikle studietilbodet. Frå venstre: Inger Kristin Heggdalsvik, Tone Jørgensen (HVL), Kåre Heggen (Høgskulen i Volda), Hege Sundt og Per Arne Rød (HVL).

Det er no klart at Høgskulen i Volda (HVO) og Høgskulen på Vestlandet (HVL) skal tilby ei ny vidareutdanning i barnevern på masternivå - «Vurdering av barnets beste». HVL i samarbeid med HVO har vunne ein anbodskonkurranse gjennom Barne- ungdoms- og familiedirektoratet (Bufdir) om oppstart av ei vidareutdanning i barnevern.

Sjustjerna Helse og omsorg, Volda sjukehus og Høgskulen i Volda arrangerte fagdag i geriatri for helsepersonell 25. og 26. januar, med kring 140 deltakarar frå Søre Sunnmøre og Nordfjord.

Vigdis Bunkholdt, ein nestor i barnevernsarbeid, trekk fram Høgskulen i Volda som eit godt døme på korleis ein kan arbeide med temaet omsorg for barn på tvers av ulike utdanningar og profesjonar.