Studentsørvis

Animasjonsfilmfestivalen Animation Volda blir arrangert for 5. gong 15.- 17. september. I år er temaet animasjon og musikk, og blant dei mange spennande internasjonale gjestane er skaparane av musikkvideoen til ”Take on Me” av A-Ha.

MID-studentane Chris Håvard Berge og Kristoffer Eidsnes har laga ein iPhone-app for Fadderveka. App’en er no tilgjengelig i AppStore og har gjeve HVO mykje god omtale i ulike sosiale medium.

Rolf Werenskjold, førstelektor i mediehistorie ved Høgskulen i Volda, bidrar med to kapittel i ei ny bok om studentopprøret i Europa frå slutten av 60-talet og fram til 1980. «Between Prague Spring and French May» kjem ut på det prestisjetunge forlaget Berghahn Books med base i Oxford og New York.

Seanse - senter for kunstproduksjon ved avdeling for kulturfag - vil i perioden måndag 8. til fredag 12 august få besøk av over 30 kunstnarar frå heile landet. Høgskulen blir laboratorium for utforsking, produksjon og utprøving av kunstprosjekt for barn og unge innan alle sjangrar. Onsdag 10. og torsdag 11. august kl. 20.00 vil det vere open scene med smakebitar frå arbeid i prosess!

Høgskulen i Volda uttrykkjer medkjensle med alle som er ramma av ugjerningane i regjeringskvartalet og på Utøya. Det er med stor sorg vi prøver å forstå det som har hendt. Studentar som treng profesjonelle å snakke med, kan kontakte rådgjevingstenesta ved høgskulen.

Høgskulen i Volda har framleis ledige studieplassar på nokre studium på Restetorget. – Vi har ledige studieplassar på eit utval bachelor- og yrkesutdanningar, nokre årsstudium og fleire deltidsutdanningar. No gjeld prinsippet «første mann til mølla», seier studiedirektør Gonnie Smit.

Trine Ole Magne og Charlotte var ferdig utdanna frå Høgskulen i Volda for eitt år sidan. Dei har valt heilt ulike utdanningar men enda opp med same arbeidsgjevar, Herøy kommune.

I desse dagar vert det gjeve ut tre masteroppgåver av tidlegare studentar ved mastergraden i nynorsk skriftkultur.

Hans Jacob Orning vart nyleg tilkjent professorkompetanse i eldre historie. Orning har vore tilsett som førsteamanuensis ved Historisk institutt ved Høgskulen i Volda sidan 2005, han er middelalderhistorikar og har særleg arbeidd med norsk høgmiddelalder og med fornalder- og riddersagaer.

Høgskulen i Volda har i over 10 år tilbode masterprogrammet i samfunnsplanlegging og leiing og har uteksaminert godt over 100 studentar. Dei fleste av desse har no topp- og mellomleiarstillingar rundt om i kommunar, fylke, politi, sjukehus, skular, lånekassa, NAV, næringsliv m.m. Mange jobbar som forskarar og nokre har også fullført doktorgrader etter mastergraden.