Internasjonalisering og Internasjonal dag!
Høgskulen i Volda (HVO)satsar aktivt på internasjonalisering. Fredag 23. september var det Internasjonal dag ved HVO. I BK-kunne ein få med seg ei rekkje spennande aktivitetar som breakdanceoppvisning, salsa og tyrkisk linedance, konkurranse og dansk visesong.
Avtalar med 25 land
HVO har dei siste åra hatt ein stor aktivitetsauke i innanfor dette feltet. HVO har no eit breitt tilbod av delstudium i utlandet, og høgskulen har over 80 avtalar med ulike utdanningsinstitusjonar i meir enn 25 ulike land.
Internasjonal dag: Veronica Babatunde og Irene Abera Kukh frå Ghana på stand.
Fleire reiser ut – fleire kjem til Volda
HVO har dobla talet både på studentar som reiser ut og på studentar som kjem frå utlandet for å studere her. Om lag 5 % av studentmassen ved HVO tar no eit studieopphald i utlandet. I dag har HVO studentar frå 40 ulike land.
Internasjonal koordinator Kjell Holby dansar.
Erasmus Link
Høgskulen i Volda er den institusjonen i Noreg som i 2005 fekk mest (om lag ein halv mill) frå Erasmus Link. Erasmus Link er oppretta av Utenriksdepartementet og Utdannings- og forskningsdepartementet for student- og lærarutveksling mellom Noreg og dei tre kandidatlandene til EU som deltar i SOKRATES-programmet: Bulgaria, Romania og Tyrkia. Til samanlikning fekk Universitetet i Oslo noko over 100 tusen. Høgskulen i Volda fekk faktisk heile 40% av midlane Erasmus Link delte ut i år. Prosjektet ”Digital Diary” er eit døme påeit prosjekt som fått midlar frå dette programmet.
Leiar for internasjonalt kontor Cecilie Wilhelmsen er drivkrafta bak Internasjonal dag.
Ungarn neste!
Erasmus Link to Norway
Kontaktseminar i Tyrkia
Les om internasjonal utdanningskonferanse i Krakow.
HVO har gode kontakter i Kenya.
Utdanningstilbod
Eit typisk delstudium kan vare frå 3-12 månadar, og blir ein del av graden som studentane tek ved HVO. Studentane våre kan til dømes delta på Austral-asiatiske kulturstudiar (i haust 34 studentar) med opplevingar i Malaysia, Japan, Hong Kong og Australia. Saman med Fredskorpset Ung tilbyr studentane vi å ta delar av vårhalvåret i Namibia eller Malawi. Nye internasjonale tilbod er stadig under utvikling, og vi har studentgrupper i India, Kenya, USA, Canada, Irland, Spania og i dei nordiske landa.
Ein glad trio frå Kina.
Du kan lese meir om dei ulike programma ved å klikke dei inn på www.hivolda.no/ut og vidare til internasjonalisering. Her finn du oversikt over samarbeidsinstitusjonane våre og mange nyttige råd.
Les meir om Internasjonal dag her!
