Søknadsfristen 1. mars for austral-asiatiske kulturstudium

Tilbodet går til alle HVO studentar som har teke minst 60 stp ved HVO, og det passar inn i alle utdanningane våre. Vil du vite meir kan du ta ein titt på http://www.hivolda.no/index.php?ID=12891
eller ta kontakt med fagleg ansvarleg Kjell-Arild Madssen eller internasjonal koordinator Cecilie Wilhelmsen.

Målet med studiet er å gi ei innføring i viktige sider ved austral-asiatisk kultur. Gjennom studiet får du auka forståing for andre andre kulturer og på den måten få du utvida det faglege perspektiv.  Studiet vil sjølvsagt også gi auka engelsk-kunnskapar. Du kan sjølv vere med å påverke innhaldet i studiet, og kome med innspel til tema.

Sentrale tema i studiet er m.a. australsk kunst og kultur(musikk/litteratur/film/media), religion, historie,
politikk, utdanning og velferd relatert til Australia som eit multikulturelt samfunn.

I Malaysia/Sørøst-Asia vil det bli gitt forelesningar om Malaysia som multikulturelt samfunn, portugisisk/hollandsk/britisk påverknad i regionen.

I Hong Kong blir det bli dratt paralleller til det kinesiske samfunnet i Australia.  Norsk misjon vil stå sentralt.

I Japan vil det bli forelest over emne som haiku-diktning, japansk film, religion og japansk matkultur.  Det tradisjonelle Japan blir presentert gjennom forelesningar og besøk m.a. til Miajima og Kyoto.  I Kyoto skal ein overnatte i tradisjonelle ryokan.  I Tokyo vil det særlig vere det moderne Japan som blir fokusert.

Korleis kome med?
Alt du har å gjere er å sende inn ein motivasjonssøknad
på engelsk til: cw@hivolda.no Søknaden skal vere på om lag 1 side der du fortel litt om kvifor akkurat du bør få delta på dette studiet, kva som motiverer deg og korleis du ser at dette halvåret passar inn i ditt
utdanningsløp.

Det er plass til inntil 30 studentar på studiet.