Skjema
Her finn du søknadsskjema du kan få bruk for som student
Søknadsskjema knytt til eksamen
Skjema for oppmelding til kontinuasjonseksamen (opent i perioden 12. desember til 1. februar for vårsemesteret og 1. juli til 1. september for haustsemesteret):
Søknad om tilrettelegging av eksamen (opent i perioden 1. januar til 15. februar for vårsemesteret og 1. august til 1. oktober for haustsemesteret, merk særskilde fristar for sending av søknad og ettersending av dokumentasjon):
Søknad om akutt tilrettelegging av eksamen:
Dokumentasjon for fråvær på eksamen:
Treng du tilrettelegging av studieløpet? Søknadsskjema finn du under overskrifta "Søknad om tilrettelegging av studieløpet".
Viss du treng tilrettelegging av både eksamen og studieløp, må du sende inn begge skjemaa.
Søknad om tilrettelegging av studiekvardagen
Utfordringar i kvardagen kan vere krevjande og verke inn på studia dine, og då vil vi gjerne prøve å legge til rette. Anten det gjeld lese- og skrivevanskar, nedsett syn eller høyrsel, sjukdom, svangerskap eller andre utfordringar. Hensikta med tilrettelegging er å gje alle dei same moglegheitene og fjerne unødige hindringa. Du kan lese meir om tilrettelegging av studieløpet her.
- Søknad om tilrettelegging av studieløpet - nynorsk/engelsk
- Søknad om tilrettelegging av studieløpet - bokmål/engelsk
Treng du tilrettelagt eksamen? Søknadsskjema finn du lengst opp på sida.
Viss du treng tilrettelegging av både studieløp og eksamen, må du sende inn begge skjemaa.
Det er ingen søknadsfrist for søknadar om tilrettelegging av studieløpet.
Søknad om godkjenning av tidlegare utdanning
Har du utdanning frå før som kan passe inn i studiet ditt ved HVO? Då kan du søkje om godkjenning. Vi vurderer om du allereie har det læringsutbyttet som tilsvarande emne ved HVO krev.
Får du godkjenning, kan du få fritak for eitt eller fleire emne i studieprogrammet ditt. Søknaden blir behandla først når du har fått studieplass og registrert deg som student.
Du kan søkje om å få godkjent emne i den valfrie delen av utdanningsplanen, eller erstatte obligatoriske emne med tidlegare utdanning.
Det er ingen søknadsfrist, men du må vere registrert som student før du kan søkje. Registrering opnar i starten av august for studiestart haust, og i midten av desember for studiestart vår.
Søknad om studiepermisjon
Du kan søkje om permisjon frå studiet ditt dersom du ikkje har moglegheit til å følgje undervisning og ta eksamen for ei periode, eller om du ønsker å ta ein pause i studiet. Les meir om studiepermisjon her.
Det er ingen søknadsfrist for søknadar om studiepermisjon.
Søknad om overgang frå årsstudium til bachelorgrad
Ordninga om overgang gjeld for studieprogram innafor det same fagområdet, til dømes frå musikk årsstudium til bachelorgradsstudium i musikk.
Om du får innvilga overgang, misser du studieretten på det gamle studieprogrammet og får tildelt ny studierett på det nye studieprogrammet.
Søkndadsperiode: 1. november til 20. mars
Søknad om fri bachelorgrad
Ein fri bachelorgrad er ein grad du kan setje saman sjølv, innanfor nokre faste rammer. For å kunne få ein fri bachelorgrad frå Høgskulen i Volda må du ha tatt minst 60 av studiepoenga som skal inngå i graden her.
Graden må vere på minst 180 studiepoeng og skal innehalde:
- Ei eining med fagleg fordjupning på minst 80 studiepoeng i eit fagområde, der minimum 20 av desse studiepoenga må vere på fordypningsnivå
- Eller eit integrert studium på 120 studiepoeng
- Minst 30 studiepoeng i eit anna fagområde enn den faglege fordjupninga
- Eit sjølvstendig arbeid knytt til fordjupningsdelen på minimum 15 studiepoeng, til dømes ei bacheloroppgåve
Har du allereie ei utdanning på minst tre år som tilfredsstiller krava? Då kan du søkje om å få den godkjent som ein fritt samansett bachelorgrad og få vitnemål.
Det er ingen søknadsfrist for søknad om fri bachelorgrad.
Finn du ikkje informasjonen du treng?
Kontakt Studentsørvis:
70 07 50 18 | studentsorvis@hivolda.no
eller kom innom i opningstida:
måndag - fredag kl. 08.00-15.00
Du finn oss i 1. etasje i Berte Kanutte-huset