Vidareutdanning

Høgskulen har i fleire år vore i bresjen for digital kompetanse i læring, og fagtilsette held stadig på med vidareutvikling av studietilboda. No prøver høgskulelektor Torbjørn Frantsen noko nytt for å betre si eiga undervisinga om programmering.

Denne veka er 30 studentar samla i Volda på den første av i alt fire samlingar i Kunst og handverk 1, ei vidareutdanning i Kompetanse for kvalitet. – Dette er det beste opptaket sidan oppstarten i 2019, og interessa for faget er så stor at vi har søkt Utdanningsdirektoratet om å få tilby eit kurs til med emna leire og tekstil, seier fagansvarleg Knut Einar Lillebø-Voll.

Høgskulen i Volda (HVO) har fått midlar frå Direktoratet for høgare utdanning og kompetanse til planlegging og drift av Praktisk-pedagogisk utdanning i Kristiansund. HVO har også fått midlar til å planlegge ei desentralisert grunnskulelærarutdanning på same stad. I begge prosjekta samarbeider høgskulen tett med Campus Kristiansund.

Høgskulen i Volda lyser no ut ledige studieplassar i Kompetanse for kvalitet. – Dette er gratis vidareutdanningstilbod for lærarar men med utan stipend eller vikarstøtte gjennom Utdanningsdirektoratet, seier seniorrådgjevar Ole Frank Bakken ved Avdeling for humanistiske fag og lærarutdanning.

– Vi er blitt meir opptekne av lokal mat. Vi er blitt meir opptekne av kvar maten kjem frå, berekraft, tradisjonar og dei gode opplevingane knytt til mat, seier førsteamanuensis Erik Fooladi.

Mange som underviser i Mat og helse i grunnskulen har ikkje formell kompetanse i faget. – Mat og helse 1 er skreddarsydd for lærarar som ønskjer slik kompetanse, seier høgskulelektor Kari Ryslett ved Institutt for realfag.

– Eg har sakna fagleg god og solid grunnkunnskap. Kunnskap eg veit fungerer fordi det er forankra i forsking. Difor søkte eg på Spesialpedagogikk 1 i Kompetanse for kvalitet (KFK), seier lærar Ragnhild Knezevic.