Avdeling for kulturfag

– Musikkstudentane våre har i mange år ytra eit sterkt ønske om fleire samspelrom. I dag er vi glade for at vi kan opne to slike fullt utstyrte rom i Henrik Kaarstad-huset, sa dekan Aud Folkestad ved Avdeling for kulturfag i høve opninga av romma onsdag.

Studentane ved Høgskulen i Volda er meir fornøgde med studiestaden sin enn landsgjennomsnittet, og målt opp mot andre studiestader i Møre og Romsdal og Trøndelag, er det berre studentar i Trondheim som er meir fornøgde med studiestaden sin enn Volda-studentane.

Sunnmøre kammermusikkfestival er meir enn konsertar med tilreisande artistar i verdsklasse. Festivalen byr også på programpostar som foredrag, meisterklassar, gratiskonsertar, konsert med unge musikarar frå kulturskulane og talentkonkurranse. Tre av fire foredragshaldarar er tilsette ved Høgskulen i Volda.

Seksjon for idrett og friluftsliv har nytta klinbygde trebåtar ved basen sin på Yksnøya sidan slutten av 1970-talet. Førstelektor Frode Sætre og høgskulelektor Ola Einang var i førre veke på Vikingeskibsmuseet i Roskilde for å lære og dele erfaringar knytt til bruk av tradisjonsbåtar og formidling av kystkultur.

Frå 4.-7.juni setter studentane ved bachelor i drama og teater ved NTNU opp fire skodespel skrivne av norske kvinnelige dramatikarar. Eit av desse er «Rom rives», skriven av Vibeke Preus Bech, førstelektor i teater ved HVO.

– Studentar og tilsette ved Avdeling for kulturfag ønskjer alle velkomne til ei veke med konsertar, utstillingar og teaterframsyningar, seier rådgjevar Catarina Andersson. Kaarstadfestivalen 2018, den fjerde i rekka så langt, tek til søndag 27. mai.

For andre året på rad er musikkseksjonen ved Høgskulen i Volda med på arrangere storbandtreff i Volda 21. april. Det vert både gateparade, utekonsert i sentrum og festkonsert i Kaarstad-huset.

Høgskulen i Volda samarbeider med Sunnmøre kammermusikkfestival for å gje HVO-studentar, elevar i kulturskulane og publikum på Sunnmøre musikalske opplevingar og opplæring på internasjonalt nivå. Årets program har stor variasjon og ei imponerande artistliste.

Det var fullt i Berte Kanutte-huset i går kveld under symfoniorkesteret sin konsert med gitaristen og tidlegare HVO-student Pål Aam som solist i "Concierto de Aranjuez" av den spanske komponisten Joaquin Rodrigo.