Avdeling for mediefag

Beste film frå Media, ikt og design-studiet sin praksis ved Bratteberg skule skal visast på NRK M&R i kveld kl. 18.40. Studentane lærte elevane om film og filmproduksjon, og hjalp dei med å lage eigne spenningsfilmar. I dag er elevane i TV-nyhenda.

Programleiar i TV2 Guri Solberg skal overrekkje dei prestisjetunge flugeprisane under Den Norske Dokumentarfilmfestivalen. Og den tidligare Voldastudenten gleder seg til neste helg: – For meg er festivalen ein herleg start på våren, seier Guri Solberg.

- Filmen handlar om eit bursdagsselskap der eine etter den andre blir kidnappa, fortel Martin i 6. klasse på Bratteberg skule. Dei har temadagar om mellom anna film, og no har dei studentar frå Media, ikt og design (MID) som lærarar. - Det har vore ein lærerik praksis kommenterer MID-student og praksislærar Torill Elise Kolbeinsen (22).

- Langfredag skal Cartoon Network Channel (CNC) for første gang i sin historie vise en kortfilm som er produsert i Norge, forteller førstelektor og leder for animasjonsutdanningen i Volda, Andres Mänd. Animasjonsfilmen er laget av animasjonsstudenter ved Høgskulen i Volda og er et resultat av konkrete samarbeid mellom CNC og Høgskolen.

- Høgskulen i Volda har sett fokus på deltidsstudenten og arbeidslivet sitt kompetansebehov, og har tilrettelagt utdanningar for dei som har behov for å kombinere studium og arbeid, seier rektor Gunnar Stave. Høgskulen tilbyr no over 60 deltidstilbod.

Johann Roppen har dei siste vekene vore i Salvador, Brasil for å vere journalistlærar for norske studentar. - Det kom eit tilbod som eg ikkje kunne seie nei til, seier Roppen som gjerne kan tenkje seg å reise tilbake til undervisning på ein stad med 30 grader pluss store delar av året.

I dag kjem tidlegare voldastudent og regissør Aslaug Holm til Høgskulen i Volda for å undervise. I kveld kl. 18.00 møter ho publikum på Volda filmteater med den siste dokumentarfilmen sin, Oljeberget. Den handlar om det norske sosialdemokratiet og med Jens Stoltenberg i hovudrolla.

Torsdag 2. mars vert filmen "Mitt elskede barn" vist på Volda filmteater kl. 18.00 med regissøren tilstades. Denne filmen er ein utvida versjon av Brit Jorunn Hundsnes sin eksamenfilm ved Høgskulen i Volda. Filmen har fått ei rekkje internasjonale filmprisar.

Fem mediestudentar frå Høgskulen i Volda har vore med på Lars Nyre sin Demostasjon, ein del av "Kulturteknikker"-prosjektet, og desse fekk legge fram resultata sine på den europeiske kommunikasjonsforskningskonferansen i Amsterdam.

- Måndag debuterte tidlegare student ved Høgskulen i Volda, Mah-Rukh Ali (24) som nyheitsanker i NRK. Mah-Rukh er den første med framandkulturell bakgrunn som er nyheitsanker i NRK Dagsnytt og Frukost-TV.