Semestre
PPUD-DID1KH Didaktikk 1 Kunst og handverk
Ingen.
Emnet skal utvikle kunnskap om innhald i skulefaget kunst og handverk, før og no. Undervisninga vil handle om arbeidsmåtar, vurdering og grunngjevingar for læringsarbeid i faget. Læreplananalyse og kritisk vurdering av faget sitt kunnskapsgrunnlag står sentralt, og dette blir kopla til arbeid med planlegging, gjennomføring og vurdering av undervisning.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal ha:
Kunnskap om kunst- og handverksfaget (KOH) sin eigenart og mangfald, og dei utfordringane og moglegheitene dette gir som KOH-lærar
Kunnskap om KOH-faget sin plass, grunngjeving og progresjon i skulen
Kunnskap om undervisnings-, arbeids- og vurderingsformer generelt og fagspesifikt
Kan analysere og drøfte utfordringar i læreplanar og øvrige styringsdokument knytt til KOH-faget sin plass i skulen
Kan planlegge, gjennomføre, vurdere og grunngje undervisning i KOH-faget, tufta på mål for opplæringa, lokale og individuelle behov
Kan leie og motivere elevar i fagleg arbeid og skape eit trygt og inkluderande læringsmiljø for alle elevar
Kan vise og utøve ei sjølvstendig og profesjonsetisk haldning i møte med alle elevar og kollegaer, og kan fremje dialog, toleranse og respekt
Kan orientere seg i faglitteratur, reise relevante problemstillingar, undersøke og drøfte desse kritisk og utvikle sin eigen faglege praksis
Undervisninga vert gitt på ulike nivå: i plenum (felles fagdidaktikk) og i gruppe i aktuelle fag (spesifikk fagdidaktikk og estetikk-didaktikk). Studenten vil få arbeidskrav tilpassa studenten sin fagbakgrunn og med tilbod om individuell rettleiing.
Frammøtekrav:
Det er obligatorisk frammøte til undervisning og andre læringsaktivitetar knytt til emnet. Les om frammøtekrav i Forskrift om opptak, studium og eksamen ved Høgskulen i Volda § 7-6
Frammøtekrav gjeld undervisninga både i spesifikk fagdidaktikk og felles fagdidaktikk.
Arbeidskrav:
Presiseringar av arbeidskrava vert gitt ved semesterstart. Du kan lese om arbeidskrav i Forskrift om studium og eksamen ved Høgskulen i Volda § 7-7.
Studentar i primærfag har følgjande arbeidskrav i tillegg til 80% frammøte:
Del A) Eitt arbeid knytt til undervisningsplanlegging og aktuelle fagdidaktiske problemstillingar i primærfaget.
Del B) Gjennomføre eitt didaktisk arbeid knytt til faglærarrolla i primærfaget.
Studentar i sekundærfag har følgjande arbeidskrav:
Godkjent 80% frammøte i undervisning i sekundærfaget.
For å kunne ta eksamen i emnet må obligatorisk frammøte og arbeidskrav i pedagogikk 1 og didaktikk 1 vere godkjend.
Praksis1 må vere påbyrja.
Sensur vert gjennomført i samsvar med Forskrift om opptak, studium og eksamen ved Høgskulen i Volda - Kapittel 10.
- Praktisk-pedagogisk utdanning, allmennfag (deltid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Munnleg eksamen | Individuell | 45 minutt | A-F, der A er best og E er siste ståkarakter | 100 | Tverrfagleg eksamen for didaktikk og pedagogikk. Det blir gitt to separate karakterar, ein for kvart emne. |