Forsking og utvikling

Svært mange møtte fram då Forskingsdagane vart avslutta på Ishavsmuseet på Brandal laurdag ettermiddag. Det var trongt om plassane då Sverre Sundalsfoll viste film og bilde frå Vesterisen og Arnljot Løseth fortalte om sunnmørsk selfangsthistoria. Etter foredraga kunne publikum få med seg omvising på det innhaldsrike museet, og i kafeen vart det sjølvsagt servert selkjøtgryte.

Avdeling for mediefag inviterer til dagsseminar om journalistikkens samfunnsrolle i samarbeid med Forskingsdagane 2007. Onsdag 26. september frå kl. 09.00-16.00 kan ein høyre 16 innlegg - dei fleste på 30 min, og med grunnlag frå eit forskingsprosjektet om journalistikkens samfunnsrolle som avdelinga er engasjert i fram til 2010.

Jane Austen har blitt beskrevet som et under av litteraturhistorikere. Hun har vært ungjenta som skrev mesterverk. - Dette er et bilde som stemmer dårlig, forteller Marie Sørbø, som har vært med på et stort forskningsprosjekt om Jane Austen.

Leiar for Familie- og kulturkomiteen, stortingsrepresentant May-Helen Molvær Grimstad opnar i dag seminaret Det potensielle rommet- eit seminar om møtet mellom skule og kunst og kultur. Seminaret går over to dagar, med ei allsidig deltakarliste frå skule og kulturliv og blir skipa som ein del av Prøvekluten 2007 og Forskingsdagane 2007.

I samarbeid med Noregs forskningsråd arrangerer Høgskulen i Volda den 17. og 18. oktober eit inspirasjonsseminar for kvinnlege tilsette/forskarar og studentar for auka verdiskaping i vårt distrikt. -Vi vil gi inspirasjon, ideutvikling og konkretisering av kommersialiserbar kunnskap og forsking, med mål om å mobilisere kvinner til å skape nye arbeidsplassar, seier Bjørn Gunnar Tafjord, prosjektleiar for forskningsprogramet FORNY.

Tor-Johan Ekeland og Kåre Heggen frå Høgskulen i Volda er redaktørane bak den nye læreboka ”Meistring og myndiggjering. Reform eller retorikk?” Fleire av fagpersonane ved Avdeling for samfunnsfag og historie som er knytt til mastergradsutdanninga har vore sentrale i arbeidet med boka.

Ingjerd Traavik, høgskulelektor i norsk ved Høgskulen i Volda, har skreve bok om biletanalyse basert på biletbøker av Fam Ekman. Boka er primært retta mot allmenn- og førskulelærarar, men ifølgje forlaget vil også foreldre og andre som har glede av biletbøker ha utbytte av boka.Traavik gir lesarane tilgang til eit lenge etterspurt begrepsapparat omkring biletbøker.

Førsteamanuensis Birger Løvlie har fått tilbod om å delta i programmet Northern Scholars ved University of Edinburgh i studieåret 2007/2008. Programmet skal stimulere forskingssamarbeid mellom høgskular og universitet i Noreg, Sverige, Danmark, Finland og Island på område der desse landa har felles interesser med Skottland.

Høgskulelektor Lila Marie Moberg ved Høgskulen i Volda er saman med Nora Lindén tildelt Nynorsk fagbokpris 2007 for bokprosjektet ”Barn og kommunikasjon – om små barns bruk av utforsking av digitale verktøy.” Juryen peikar mellom anna på nytenkinga i prosjektet – ”dette finst ikkje i litteraturen frå før.” Prisen vert delt ut under haustlanseringen til Det Norske Samlaget i dag, 15.8.2007.

Førstelektor Asbjørn Simonnes og tidlegare undervisningsleiar ved medieutdanninga i Volda, Gudmund Gjelsten har ført i pennen Fagbokforlaget si lærebok ”Skole og media.” - Vi stiller spørsmålet om korleis verdidualismen i media utviklar identiteten og karakteren til unge, og opnar for at større fokus på mellommenneskeleg kommunikasjon er viktig når ein lærer å bruke media.