Forsking og utvikling

- Det føregår mykje spennande FoU-arbeid av høg kvalitet i voldamiljøet, og dette vil vi løfte fram og synleggjere, melder FoU-leiar Reidun Høydal. No har Høgskulen i Volda og Møreforsking Volda oppretta ein FoU-pris på kr 30.000 for enkeltperson og kr 50.000 for eit fagmiljø.

Cand. scient. Rune Johan Krumsvik disputerer 2. mars for Dr. philos. graden ved Universitetet i Bergen, med avhandlinga ”ICT in the school. ICT-initiated school development in lower secondary school”.

Torsdag 2. mars arrangerer Stipendiatane ved Høgskulen i Volda med Karen Brænne og Lars Julius Halvorsen i spissen, eit seminar dei kallar Diskursanalyse i praksis. På programmet står mellom anna Sissel Rosland frå Universitetet i Bergen og Jørn Cruickshank frå Agderforsking.

Førsteamanuensis Kari E. Bachmann og professor Peder Haug ved Høgskulen i Volda gav nyleg ut forskingsrapporten om tilpassa opplæring i skulen i eit oppdrag som Utdanningsdirektoratet gav til forskingsmiljøet i spesialpedagogikk ved Høgskulen i Volda. I rapporten presenterer og drøfter forskarane forskinga som er gjort i Noreg om tilpassa opplæring.

- Matematikk har vorte ei fordel både når ein skal søkje arbeid og i lønssamanheng, fortel førsteamanuensis Arne Kåre Topphol ved Avdeling for lærarutdanning. Her ved Høgskulen i Volda har vi hatt ein jamn auke siste året – og interessa er framleis aukande, meinar han, og peikar på Kunnskapsløftet som ein viktig faktor.

- Dette er ein ganske tøff, men realistisk smakebit på sosialt arbeid med ungdom, kommenterer sosionomstudent Oddvar Rieve (27). Denne veka har studentane hatt gruppesamtalar med over hundre niandeklassingar om spørsmål som ikkje alltid er så populært å prate med andre vaksne om, til dømes alkohol, narkotika og tobakk.

- Vi kan tilbyr stipend på opp mot 100 000 kroner i året, opplyser Arild Torvund Olsen ved Nynorsksenteret. No lyser dei ut midlar til skuleretta forskings-, forsøks- og utviklingsarbeid for studieåret 2006/2007. Særleg interessante område er nynorskopplæring i lærarutdanninga og grunnopplæringa, seier han.

Fem mediestudentar frå Høgskulen i Volda har vore med på Lars Nyre sin Demostasjon, ein del av "Kulturteknikker"-prosjektet, og desse fekk legge fram resultata sine på den europeiske kommunikasjonsforskningskonferansen i Amsterdam.

- No må utdanningsinstitusjonane yte ein innsats for å inkludere studentar i forsking, seier nestleiar i Studenttinget i Volda, Marit Johanne Monseth (23). Studenttinget i Volda er med i Operasjon Forsking, ei landsomfattande kampanje frå Studentenes Landsforbund (Stl) om inkluderande forsking.

Svev er namnet på ein CD som kjem ut i desse dagar. Musikken er skriven av gitaristen Stein Helge Solstad som underviser i musikk ved HVO. Solstad har tonesett 12 dikt av Ivar Aasen. Dei fleste tekstane er henta frå diktsyklusen Symra. Torsdag den 2. februar vert musikken framført på studenthuset Rokken.