Nyhende

Den engelske forfattaren Jane Austen, som levde for 200 år sidan, kom nok aldri til Ørsta eller Volda, og sat aldri i sida på Helgehornet og såg utover Hovdevatnet. Likevel er det slik ho framstår på framsida av ei ny bok av professor Marie Nedregotten Sørbø ved Høgskulen i Volda. Og boka handlar om korleis Jane Austen sine romanar kom til Norge i form av norske omsettingar.

Eit fargerikt og mangfaldig program pregar årets Internasjonal dag i Berte Kanutte-huset ved Høgskulen i Volda. I år er det rekord i talet på internasjonale gjestar til arrangementet med over 20 gjestar frå sentrale partnaruniversitet i m.a. England, USA, Nederland, Danmark, Tsjekkia og Russland.

Det er no klart at Høgskulen i Volda (HVO) og Høgskulen på Vestlandet (HVL) skal tilby ei ny vidareutdanning i barnevern på masternivå - «Vurdering av barnets beste». HVL i samarbeid med HVO har vunne ein anbodskonkurranse gjennom Barne- ungdoms- og familiedirektoratet (Bufdir) om oppstart av ei vidareutdanning i barnevern.

Resultata frå Studiebarometeret 2017 syner at det er studentar på dei estetiske faga, kunst og musikkfag som er mest fornøgde med kvaliteten i studieprogramma ved Høgskulen i Volda.

Tysdag 6. februar kjem tidligare utanriksminister Thorvald Stoltenberg til Høgskulen Volda for å halde innleiingsforelesinga på kurset «Media and the Cold War». Stoltenberg vil gje eit innblikk i norsk utanrikspolitikk frå den andre verdskrigen fram til slutten av den kalde krigen. Forelesinga er på engelsk og er open for alle.

Onsdag 7. februar er det igjen duka for Internasjonal dag ved Høgskulen i Volda. Det vert eit fargerikt og mangfaldig program i Berte Kanutte-huset frå kl. 11.30-14.30.

Sjustjerna Helse og omsorg, Volda sjukehus og Høgskulen i Volda arrangerte fagdag i geriatri for helsepersonell 25. og 26. januar, med kring 140 deltakarar frå Søre Sunnmøre og Nordfjord.

Førstelektor i teater Vibeke Preus Bech, har sidan hausten 2017 vore del av Volda Vidaregåande sitt musikal prosjekt: Cry Wolf, og no er snart BOA-prosjektet klart for premiere.

Symfoniorkesteret ved Høgskulen i Volda ligg i hardtrening – ikkje til OL, men til den tradisjonsrike Nyttårskonserten som går av stabelen på Berte Kanutte-huset laurdag og søndag 27. og 28. januar.

Teater og drama-studentane fekk eit nyttig innblikk i kva som kan møte dei i arbeidskvardagen når dei tidlegare studentane, Borghild Otelie Aasebøstøl og Ørjan Steinsvik, underviste og fortalde om sine yrkesliv.