Nyhende

Øyvind Krøvel avsluttar no bachelorgradsstudiet i musikk med eksamenskonsert på Rust Club & Scene tysdag 19. mai. Konserten har namnet ”Musikk for Natur” og skal ta publikum med på ei reise gjennom ulike naturlandskap.

Janne M. Grytten Skarstein er ei av studentane som avsluttar bachelorgradsstudiet i musikk i år, og ho har eksamen frå scena på Rokken 14. mai. Frå onsdag 13. mai startar to veker med eksamenskonsertar på høgskulen, studenthuset Rokken, Rust i Ørsta og på andre scener.

Onsdag 6. mai vil songstudentar frå musikkseksjonen ved Høgskulen i Volda presentere eit utval av Kurt Weill sine songar. Konserten startar kl. 19.00 i teatersalen i Henrik Kaarstad-huset, og får tonefølgje av eit band der Morten Bollerud, Øystein Øye, Erik Fooladi, Bård Dahle og Øyvind Eiksund er med.

I fjorten intense dagar har Høgskulen i Volda eit stort internasjonalt prosjekt innan animasjon. 30 studentar og 9 lærarar frå Wales, Tallin og Volda tek del i det EU-finansierte prosjektetet "Acting for animation". Dette er eit såkalla Intensive Project (IP), fortel leiar av internasjonalt kontor Cecilie Wilhelmsen. I dag, fredag 8. mai kl. 18.00 er publikum inviterte til å sjå produksjonane i Berte Kanutte-huset, Vesle aud.

Mag.art. Paul Bjerke ved Høgskulen i Volda disputerte torsdag 30. april og hadde sin doktorandmiddag i Fritt Ord sine lokale i Oslo. – Svært passande, sidan dette var det første doktorgradsstipendet som Fritt Ord har finansiert, kommenterer kollega Johann Roppen som overvar disputasen.

Den amerikanske PR-professoren Carl Botan forklarte innstendig kor viktig det er å kommunisere rett bodskap om svineinfluensaen. Han fortalte også om PR-bransjen sine vilkår i finanskrisetid, skriv smp.no. Torsdag instruerte han voldastudentane i krisekommunikasjon.

Susann Østigaard er leiar for Den Norske Dokumentarfestivalen som opnar i dag. – No gler eg meg verkeleg, og håper at alle vil få ein fin festival. Vi har gjort vårt beste for å skape ei flott ramme for dei neste dagane, seier ei spent Susann.

Den norske dokumentarfilmfestivalen inviterer til Voldakveld på Rokken i kveld kl. 19.00. Her kan du ladde opp festivalbatteria med studentproduksjonar og konsert med gruppa Eskimo.

Erlend Holm (26 år) er kjend som tidlegare midtbanespelar for Ålesund. No har han lagt fotballen på hylla til fordel for lærarutdanning. – Det kjem eit liv etter fotballen også. For å få den jobben eller det yrket du ønskjer må utdanninga og kompetansen vere på plass, seier Erlend.

Renate Dyb (20) og Marlene Dyb (20) vekependlar mellom Giske og Volda for å ta utdanning. – Vi hadde høyrt mykje bra om Volda og sidan det er nært heime var valet enkelt. Ved å studere her har vi hatt høve til å ta utdanning utan studielån, seier dei to.