Nyhende

Høgskulen i Volda har saman med tre andre høgskular skrive brev til statsråd Tora Aasland, der dei uttrykkjer ei sterk uro for den skeive fordelinga av basismidlar i universitet- og høgskulesektoren. – Det er politisk vilje til å satse på utdanning og forsking, og regjeringa bør nytte dette høvet til å jamne ut skeivfordelinga, kommenterer høgskuledirektør Jacob Kjøde jr. i Volda.

Denne veka er Helge Jordal og folkemusikkgruppa Tindra på Høgskulen i Volda for å øve inn den nye framsyninga ”Den kvite hjorten”.

Satsinga på kompetanseheving av lærarar held fram etter at reformperioden med innføring av Kunnskapsløftet er over. Regjeringa har sett av 117 millionar til vidareutdanning og 170 millionar til etterutdanning.

Seks journaliststudentar frå Høgskulen i Volda fekk tildelt det gjeve diplomet av SKUP-juryen for arbeidet med Innovata-saka. Dei avslørte mange nye moment rundt kulturhusprosjektet Innovata i Volda, skriv NRK på sine nettsider.

To gonger i året møtest fleire høgskular frå region Midt-Noreg til idéutveksling og formidling. Desse utgjer ei nettverksgruppe til Forskingsrådsprogrammet FORNY, og sist veke var Høgskulen i Sør-Trøndelag vertskap for nettverksgruppa.

Meir desentralisert og regiontilpassa forsking må til, meiner rektorane ved dei tre høgskulane i Møre og Romsdal. Høgskulane ser behovet for sterkare samarbeid og spesialisering og har alt utvikla ei aktiv arbeidsdeling og samarbeid. I ein kronikk i Sunnmørsposten i dag står rektorane saman som forfattarar.

Den store lærarsatsinga ”Har du det i deg?” vert lansert i dag som ein av dei største rekrutteringskampanjane i offentleg sektor. Målet er å styrkje kvaliteten på lærarutdanningane og vidareutvikle lærarprofesjonen. Noreg treng fleire dyktige lærarar. Er du ein av dei?

Lærarar er den yrkesgruppa som har minst oppgang i arbeidsløysa. Ifølgje tala frå NAV frå februar er læraryrket i ei særstilling når det gjeld talet på arbeidslause.

Journalistikkstudent Iselin Nevstad Øvrelid har fått nynorsk journaliststipend på kr 10 000 frå Mållaget i Kristiansand. – Føremålet med stipendet er at det skal motivere og inspirere journaliststudentar til å bruke nynorsk i studiet og seinare i arbeidslivet, seier ei glad Iselin.

På fredag fekk drama- og musikkstudentar på høgskulen besøk av den kjende skodespelaren Svein Tindberg. Han er i desse dagar aktuell med den musikalske forteljinga ”Andvake”, basert på ein roman av Jon Fosse. Det var ein jordnær og imøtekomande Tindberg som fredag delte erfaringar og tips med studentane.