- Den årlege Barnehagekonferansen vert halden i Molde 1. og 2. november og tek i år opp temaet: ”Den gode barnehagen som grunnmur for livslang læring,” melder Britt Loven Ølnes ved Høgskulen i Volda. Hovudinnleiarar i år er Hillevi Lenz-Taguchi frå lærarhøgskulen i Stockholm, Turid Thorsby Jansen frå Høgskulen i Vestfold, Sigurd Aukland frå Klepp kommune og Ragnhild Lied frå Utdanningsforbundet.
Mastergruppa i spesialpedagogikk skal ha eit fagseminar på Høgskulen i Volda den 15 juni. Fagfolk, noverande og tidlegare studentar skal mellom anna evaluere dei erfaringane ein har gjort til no og sjå på kva utfordringar det spesialpedagogiske feltet og masterstudiet har framover.
Per Tronsmo, direktør for organisasjons- og medarbeiderutvikling i Utdanningsdirektoratet, opna i dag tidleg konferansen På rett veg? -tilpassa opplæring, vurdering og leiing i Kunnskapsløftet. Konferansen er eit samarbeid mellom Utdanningsdirektoratet og Høgskulen i Volda.
Måndag og tysdag har Høgskulen i Volda samla pedagogar og helsesøstre frå heile fylket til ei ny storsamling på Hotell Alexandra i Molde. Over to hundre deltakarar som til dagleg jobbar med barn og unge frå barnehagar, grunnskule og vidaregåande skule har i to hektiske dagar fått innføring i ulike typer observasjons- og kartleggingsmateriell. Målet er å kunne gi betre tilbod om tilpassa opplæring for elevar som strever med språk og lesing.
Komande tysdag og onsdag er klart for Høgskulekoret sin årlege vårkonsert. Tradisjon tru er det dei lettare sjangrane som står på programmet på denne tid av året. Denne gongen har ein teke utgangspunkt i ulike Broadway-show og sett saman programmet som ei reise i frå først på 1900-talet og fram til i dag.
Open scene: Korleis blir ein kulturproduksjon til?
Publisert
Denne veka er det stor aktivitet i Henrik Kaarstad-huset. Ein fotgraf, ein 3D-artist, ein instuktør, ein komponist, ein scenograf og fleire forfattarar, musikarar og skodespelarar er samla om eit felles mål: Å lage gode kulturproduksjonar til bruk i skulen. Høgskulen i Volda arrangerer for fjerde år på rad Prøvekluten, ein lekk i satsinga på Senter for kulturproduksjon og kulturformidling. Onsdag inviterte kunstnarane open scene, der publikum fekk eit unikt høve til sjå korleis ein kulturproduksjon blir til.
Musikalen "Paradiset" som markerer starten på Volda kyrkje sitt 75-årsjubileum, må kunne kallast eit nyskapande kulturprosjekt for og med barn. Tekst og musikk er skrive spesielt for dette høvet, og musikalen vert gjennomført som eit nært samarbeid mellom kyrkja, fleire barneskular, Volda korskule og Høgskulen i Volda ved musikkstudentar (band), MID-studentar (film) og tilsette.
I morgon, onsdag 18. april, kl 12.15 inviterer studentrådgjevaren ved Høgskulen i Volda, Ann-Iren Høgalmen og PPU-tillitsvalt, Henning Frode Dispen studentar til seminar om eksamensstressmeistring.
Anna Phiri, redaktør og journalist fra Zambia holder foredrag på Aasen-auditoriet torsdag kl. 12.00 Hun vil snakke om det unyanserte bilde av Afrika som blir formidlet gjennom media og akademia. Anna kommer i forbindelse med SAIHs kampanjeuke ”Afrika nå: En sak har alltid flere sider”. Alle studenter og ansatte er velkomne.
