Lærarutdanning

Hausten 1971 kom ein i gang med undervisning ved distriktshøgskulen i Volda. Året etter kunne ein lyse ut eit studium i «Organisasjon og velferd, teologisk line». 50-årsjubiléet for dei kyrkjelege utdanningane i Volda vert markert med eit fagleg seminar, jubileumsfest og gudsteneste i samband med Forskingsdagane siste helga i september.

Denne veka er 30 studentar samla i Volda på den første av i alt fire samlingar i Kunst og handverk 1, ei vidareutdanning i Kompetanse for kvalitet. – Dette er det beste opptaket sidan oppstarten i 2019, og interessa for faget er så stor at vi har søkt Utdanningsdirektoratet om å få tilby eit kurs til med emna leire og tekstil, seier fagansvarleg Knut Einar Lillebø-Voll.

Stipendiatane Julia Melnikova og Elin Førde ved Avdeling for humanistiske fag og lærarutdanning var 22. – 25. august på den årlege forskarkonferansen ECER (European Conference on Educational Research) i Jerevan, hovudstaden i Armenia.

Per Halse, professor i kristendomskunnskap, religion, livssyn og etikk (KRLE) ved Høgskulen i Volda, fylte 65 år 24. januar 2022. I heidersskriftet «Tru, språk og historie» vert Halse hylla av fagfellar, kollegaer og vener.

I strålande sol viste studiebygda Volda seg frå si aller vakraste side då prorektor Odd Helge Mjellem Tonheim og studieleiar for grunnskulelærarutdanninga Eivind Patrick Hanevik ønskte ei gruppe tidlegare lærarstudentar velkomne til orientering og omvising på høgskuleområdet i dag.

Høgskulen i Volda (HVO) har fått midlar frå Direktoratet for høgare utdanning og kompetanse til planlegging og drift av Praktisk-pedagogisk utdanning i Kristiansund. HVO har også fått midlar til å planlegge ei desentralisert grunnskulelærarutdanning på same stad. I begge prosjekta samarbeider høgskulen tett med Campus Kristiansund.

Høgskulen i Volda lyser no ut ledige studieplassar i Kompetanse for kvalitet. – Dette er gratis vidareutdanningstilbod for lærarar men med utan stipend eller vikarstøtte gjennom Utdanningsdirektoratet, seier seniorrådgjevar Ole Frank Bakken ved Avdeling for humanistiske fag og lærarutdanning.

Hvordan skal vi forstå kulturelt og religiøst mangfold? Hva vil det si at kulturer og religioner møtes? Hvordan skal vi forstå dette i samfunnet og i skolen i dag? Hvordan har det utspilt seg i historien? Den vitenskaplige antologien «Møter og mangfold» belyser disse spørsmålene ut ifra ulike perspektiver, fag og fagområder.

– Nettstudiet Nynorsk i opplæringa er primært retta mot lærarar som underviser i norsk i grunnopplæringa. Eit praktisk og undervisningsorientert perspektiv gir studentane auka kompetanse i nynorsk og i det å undervise i norsk, seier fagansvarleg førsteamanuensis Gudrun Kløve Juuhl.

Dosent emeritus Jan Ove Ulstein ved Høgskulen i Volda er aktuell med ny bok. Boka «Oppbrotsteologi på det lange 70-talet - Frigjeringsteologi, marxisme, sosialetikk» blir lansert på eit seminar i Litteraturhuset i Oslo 28. april.