Lærarutdanning

Sist veke var dei fremste skuleforskarane i landet kalla inn til samtale med statsministeren og utdanningsministeren. Frå Høgskulen i Volda var professor Peder Haug representert. – Samtalane gjekk konkret på dei utfordringane som norsk skule har i dag, og spesielt i samanheng med debatten på nyåret. (Foto: SMK)

I dag, fredag 18.1, er Kaarstadbygget gjester i God morgen, Norge! på TV2 kl. 07.35 og 08.15. Koret Kaarstadbygget er samansett av tidlegare studentar ved lærarutdanninga i Volda, og har teke namnet sitt frå det ærverdige Henrik Kaarstad-huset, der Avdeling for Kulturfag no held til.

Seksjon for idrett og friluftsliv får nytt namn frå haustsemesteret, og vil ikkje lenger heite Seksjon for kroppsøving og friluftsliv som tidlegare. Seksjonen har meir enn 35 års erfaring med høgskuleutdanning innan idrett, leik og friluftsliv.

Dramastudentane ved Høgskulen i Volda vil i år setje opp ”Eit Julekvad” (A Christmas Carol) av Charles Dickens. - Med oss har vi fått ei gruppe frå musikklinja ved Volda vgs, under leiing av Stein Helge Solstad, melder Marit Ulvund som står for regien.

Noregs forskingsråd har gjennom programmet Praksisrettet FoU for barnehage, grunnopplæring og lærerutdanning tildelt Høgskulen i Volda 7,2 mill kr. dei neste tre åra. Dette er den største løyvinga HVO nokon gong har fått til eitt enkelt prosjekt.

Tysdag 27. nov. kl. 14.00 vert det halde informasjonsmøte om retorikk og forteljing, eit nytt emne i dramautdanninga, melder fagansvarleg Marit Ulvund. Ho vil stå for orienteringa, som vert halden i Berte Kanutte-huset, rom 157, ved Høgskulen i Volda.

Drama fordjupingsstudium ved Høgskulen i Volda presenterer ”Vente på Godot”, fritt etter Samuel Beckett sin klassikar, melder Tone Rustestuen ved dramautdanninga. - Ved bruk av galgenhumor og klovneaktig spelestil ønskjer vi å underhalde, men også å framheva det absurde og det umoglege i menneskeleg kommunikasjon. Framføringa er ein del av eksamen for studentane, og vert halden tysdag og onsdag komande veke.

Dei to neste åra skal tilsette ved Høgskulen i Volda studera matematikk- og norskfaget i allmennlærarutdanninga. Oppdraget er ein del av forskingsprosjektet ”Nyutdannede læreres mestring av yrket”, eit arbeid med mål om å betra kvaliteten på lærarutdanninga.

Symfoniorkesteret ved Høgskulen i Volda avslutta FESTiVOLDA-festivalen med Mozart sin symfoni nr. 31, "Pariser-symfonien” søndag, som ei markering av sitt 60 års-jubileum. - 60 år er eit fantastisk jubileum for eit orkester som har hatt lang og tru teneste, jublar Rune Bergmann.

-I slutten av November er vi i gang, seier Erik Fooladi, fagleg ansvarleg for Naturfag med mål og meining. -Då samlast om lag 130 lærarar frå Sjustjerna (eit interkommunalt samarbeid mellom sju kommuner på søre Sunnmøre) seg i Loen til første samling. -Vi er glade for god respons frå Søre Sunnmøre, og ser no at også kommunane i Nordre Sunnmøre Kompetanseregion kjem for fullt. Vi gler oss til å møte lærarane og presentere spanande vekstader og fagleg påfyll.