Nyhende

Godt over 1000 avgangselevar i vidaregåande opplæring og folkehøgskular i Møre og Romsdal og Sogn og Fjordane besøkte Høgskulen i Volda under dei åttande Utdanningsdagane 30. og 31 oktober. – Nyttig og interessant, seier Julie Sande Solid og Jannike Melheim frå Stryn vidaregåande skule.

Det blir stilt store, og dels motstridande, krav til barnehagane. Denne veka samlar nær 500 barnehagefolk seg i Ålesund for å drøfte dette krysspresset under Barnehagekonferansen 2019.

Ønsker du litt fagleg påfyll? Sjå her! Frå 1. november kan du søke på om lag 50 studium for vårsemesteret ved Høgskulen i Volda.

Dosent Bente Vatne frå Høgskulen i Volda møtte svenske og danske forskarar i København for å arbeide med tidleg literasitet i barnehage og barnehagelærarutdanning.

Ålesund kommune og Høgskulen i Volda (HVO) har inngått ein samarbeidsavtale for å sikre fagleg utvikling - særleg innan forsking, utdanning og nyskaping. Høgskulen blir også samarbeidspart i FNs framtidslab.

Professor Rolf Werenskjold ved Avdeling for mediefag er ein av to gjesteredaktørar når eit spesialnummer av tidsskriftet Journal of Scandinavian Cinema skal lanserast under De nordiske filmdagene i Lübeck 29. oktober – 3. november.

Med nyvinninga Alumni – IPAS vil ein skape eit nettverk for studentar som har studert planlegging og administrasjon ved Høgskulen i Volda. – Vi håper dette skal gi både fagleg påfyll og vere ein arena for karriereutvikling, seier førstelektor Magnar Hjertenæs.

Med grønt lys frå Volda kommune, startar no arbeidet med midlertidige parkeringsplassar og ny «miljøgate» på høgskuleområdet. Seinare i haust vert Joplassvegen stengt for privattransport. Her finn du dei nye rutene for mjuke og harde trafikantar framover.

Høgskulen har nyleg delteke på ei nasjonal samling for tilsette på universitet og høgskular samt representantar frå skuleeigar og fylkesmenn. Samlinga var retta mot samarbeid og erfaringsutveksling om desentralisert kompetanseutvikling i skulen (DeKomp).

Studentar frå lærarutdanningane fekk nye forståingar av kulturelt og religiøst mangfald etter at dei fekk oppleve samfunn med ulike religionar i London.