Nyhende

Lurer du på kva du skal studere? Eller kva du kan bli etter å ha studert ved Høgskulen i Volda? No kan du enkelt finne intervju med tidlegare studentar og sjå kva dei gjorde etter at dei var ferdig utdanna. 

Frå hausten av tilbyr Høgskulen i Volda to nye emne i kunst og handverk: Teikninga lever og Trearbeid i framtidsskulen. Emna er ein del av programmet kompetanse for kvalitet som vidareutdannar lærarar.  

No skal alle barn i grunnskulen lære om programmering. Men då må nesten lærarane lære det fyrst. Høgskulen i Volda samarbeider med partnerskulane om å teste ut undervisningsopplegg og utvikle utdanningstilbod. No er HVO ein av to studiestadar i landet som tilbyr heile løpet i denne vidareutdanninga. 

Kan bleieskift gjerast til noko pedagogisk og morosamt, både for store og små i barnehagen? Det øver studentane i høgskulen seg på i sitt nye fordjupingsemne.

Mange tidlegare studentar ved Volda lærarhøgskule heldt kontakten med kvarandre i mange år etter dei var ferdige med utdanninga.Det gjorde dei blant anna ved å skrive "klassebøker" der dei skreiv ei side eller to om liv og lagnad, og så sende boka vidare til andre klassekameratar. – Vi oppmodar alle som har slike bøker å sende oss dei, seier emeritus Kjell-Arild Madssen.

Resultatet frå den store, årlege undersøkinga viser at studentane ved Høgskulen i Volda er meir nøgde enn i fjor. – Det er gledeleg med oppgang og at tiltaka vi har sett i gang har gitt resultat, men vi ønskjer oss endå betre resultat, seier rektor Johann Roppen.  

Møre og Romsdal fylkeskommune løyver 1,2 millionar kroner per år i tre år framover til Seanse, senter for kunstproduksjon ved Høgskulen i Volda. Hovudverksemda til Seanse er å støtte produksjonen av kunst for og med barn og unge. – Dette er eit stort klapp på skuldra for arbeidet vi gjer, seier senterleiar Marit Ulvund.

Høgskulen i Volda har i over 20 år sendt ut sine grunnskulelærarstudentar for å ta over ein grunnskule i ei heil veke. No følgjer fleire og fleire skular etter, òg i Sverige.

– «Kompetanse for kvalitet» er Utdanningsdirektoratet sitt program for vidareutdanning. I denne satsinga tilbyr Høgskulen i Volda no rekordmange studietilbod for barnehagelærarar, grunnskulelærarar og yrkesfaglærarar i vidaregåande skule, seier rådgjevar Ole Frank Bakken. Søknadsfristen er 1. mars.

Høgskulen i Volda foreslår mellom andre professor Bernt Hagtvet og Lodve Solholm som nye styremedlemmar.