Nyhende

Seksjon for idrett og friluftsliv har nytta klinbygde trebåtar ved basen sin på Yksnøya sidan slutten av 1970-talet. Førstelektor Frode Sætre og høgskulelektor Ola Einang var i førre veke på Vikingeskibsmuseet i Roskilde for å lære og dele erfaringar knytt til bruk av tradisjonsbåtar og formidling av kystkultur.

Frå 4.-7.juni setter studentane ved bachelor i drama og teater ved NTNU opp fire skodespel skrivne av norske kvinnelige dramatikarar. Eit av desse er «Rom rives», skriven av Vibeke Preus Bech, førstelektor i teater ved HVO.

Per Halse ved Avdeling for humanistiske fag og lærarutdanning har fått opprykk til professor. Halse tok til som høgskulelektor ved Volda Lærarhøgskule i 1991. Ved sida av undervisning og forsking har han gjennom åra hatt fleire leiarverv både i og utanfor høgskulemiljøet.

Forskargruppe for nynorsk skriftkultur har gleda av å by inn til eit ope symposium om skriftkultur og skriftkulturforsking. Utgangspunktet vårt er at både den skriftkulturelle praksisen og skriftkultur-studiane står i ei brytingstid.

Under Dei nynorske festspela i juni 2018 vert det urpremiere på operaen «Kimen» av Magnar Åm, professor II ved Høgskulen i Volda. – Oppsetjinga er eit samarbeid mellom lokale regissør- og scenografkrefter, lokale kor og musikarar i alle aldrar og store nasjonale, profesjonelle aktørar, seier komponisten.

– Studentar og tilsette ved Avdeling for kulturfag ønskjer alle velkomne til ei veke med konsertar, utstillingar og teaterframsyningar, seier rådgjevar Catarina Andersson. Kaarstadfestivalen 2018, den fjerde i rekka så langt, tek til søndag 27. mai.

Tredje og fjerde mai 2018 var det avsluttande studiesamling for det femtande kullet på Ledelse i helse- og sosialtenestene (LiHS). Heile 50 studentar tek eksamen våren 2018. Studiet er på masternivå (30 stp) og blir organisert som eit samlingsbasert deltidsstudium over eitt år.

Høgskulen i Volda tilbyr no ei heilt ny vidareutdanning på 15 studiepoeng for matematikklærarar som i større grad ønsker å ta i bruk digitale verktøy i undervisninga.

Sara Bergland og Tormod Malvin Sæther er vald inn som studentrepresentantar i høgskulestyret for 2018/2019. Personleg vara for desse er Vilde Femsteinevik Stakseng og Allan Levi Melby.

Studentane ved studiet Foto for Media fekk i byrjinga av semesteret i oppgåve å ta bilete av Volda slik dei opplever bygda. Dei beste bilda er no å sjå i kantina i Berte Kanutte-huset.