Nyhende

22. – 23. april vert det på Høgskulen i Volda arrangert arbeidsseminar for prosjektmedarbeidaren og kommentatorar frå ulike delar av landet. Temaet for seminaret er: Kulturperspektiv på møte mellom bønder og embetsmenn.

Bachelorstudentar i musikk ved Høgskulen i Volda kan i sitt tredje studieår ta emnet "Intuitiv komposisjon/improvisasjon og musikkfilosofi". Emnet er også ope for utanlandsstudentar og yrkesutøvarar som vil ta det som vidareutdanning.

Måndag den 15. februar startar Mentorutdanning I ved Høgskulen i Volda. Studiet er eit vidareutdanningstilbod i samarbeid med Høgskulen i Sogn og Fjordane. Fagleg ansvarleg for studiet, Bente Vatne ved Høgskulen i Volda, gler seg til å ta i mot 35 studentar til det nye studiet.

En av de seks studentene som nå fullførte mastergradsstudiet var Nils Ola Skuset som jobber som lærer på Idrett og friluftsliv. Han har studert presset redningsmannskaper utsettes for i snøskredaksjoner.

I 2008 var førstelektor Odd Ragnar Hunnes og fagmiljøet knytt til prosjektet ”Capacity Building of Democracy – Malawi and Norway, 2006–2007” tildelt høgskulen sin pris for utdanningskvalitet 2008. No har prosjektet nytta midlane til å finansiere utgjevinga av eit av nummera av Malawi Journal of Education and Development, som er eit fagtidsskrift som vert utgjeve ved Universitet i Malwai.

I siste nummer av Demens og alderspsykiatri kan ein lese om Studiet Miljøterapi i demensomsorga, som er eit nytt studietilbod ved Høgskulen i Volda. Kommunane har etterspurt kompetanse i samhandlinga med personar med demens og deira pårørande. Jorunn Anne Remme Tomasgard, pleie-og omsorgsleiar i Volda kommune, seier ho ser resultat av kunnskap som studentane har tileigna seg

Med boka ”Tonje Glimmerdal” fekk Maria Parr tildelt Brageprisen i kategorien Barne og ungdomsbøker. – Det gir ein tryggleik at nokon som har greie på det seier at det eg har laga er bra, seier Parr.

Klimagassutslepp er eit globalt problem, men utslepp skjer lokalt. Kva kan og må norske kommunar bidra med for å takle desse utfordringane? Vidareutdanning i lokal klimaplanlegging har oppstart i januar 2010, og er eit tverrfagleg studium med fokus på teoretiske og praktiske løysingar.

Elevar frå ungdomsskular og vidaregåande skular i regionen er på Karrieredagar i Volda denne veka. No kan du følgje med ei LIVE sending som elevane produserer frå Høgskulen i Volda. Det er studentar frå Bachelorgradsstudiet i Media, IKT og design har sett opp sendinga.

Torsdag fekk studentane på bachelorgraden i Drama og teater ei overrasking då dei vart vitja av skodespelarane Johannes Joner og Anders Hatlo. Ringrevane delte av sine nyttige erfaringar frå ei rikhaldig karriere, og snakka med interesserte studentar om alt frå livet som skodespelar til iscenesetjing av manus.