Nyhende

Regjeringa har bedt universitets- og høgskulesektoren om å tilby kompetansehevande studietilbod retta mot permitterte og arbeidsledige våren 2020. – Høgskulen i Volda tilbyr «Personalleiing for mellomleiarar», eit kurs som raskt vart fullteikna med folk frå ei rekkje berørte bedrifter og verksemder, seier kursansvarleg førstelektor Magnar Hjertenæs.

Det er no bestemt at det vert fysisk opning av studieåret 2020/21 ved Høgskulen i Volda. Opninga vil gå føre seg 18. og 19. august.

Gratis kveldsmat i eksamenstida, samtalar om alt frå kjærleikssorg til studieteknikk, hukommelseskurs, stress-ned-yoga og «kjeldesortering» på biblioteket er berre nokre få døme. Tilboda til studentane i Volda går langt utover dei faglege.

Høgskulen i Volda lyser no ut ledige studieplassar i Kompetanse for kvalitet. – Dette er gratis vidareutdanningstilbod for utdanna lærarar men utan stipend eller vikarstøtte gjennom Utdanningsdirektoratet, seier seniorrådgjevar Ole Frank Bakken.

Styret ved Høgskulen i Volda har vedteke å gi Kate Kartveit tilbod om dekanstilling ved Avdeling for mediefag frå 1. august 2020.

Beskjeden frå leiinga ved Høgskulen i Volda er like hjartevarm som den er krystallklar: Alle som skal begynne å studere eller halde fram med studia sine i Volda, bør komme hit til studiestart til hausten. Hjarteleg velkomen, vi skal ta godt vare på dykk!

Høgskulestyret gjennomførte omframt styremøte 28. mai som du kan sjå i opptak her. Styret diskuterte blant anna diskutere høyringssvar på framlegg til ny lov for høgskular og universitet.

Regjeringa møter den rekordstore søkinga til høgare utdanning med å løyve pengar til 4000 nye studieplassar. Høgskulen i Volda fekk 100 av desse, i tillegg til seks nye stipendiatstillingar.

I sin nyleg utgjevne vitskaplege monografi gjev førsteamanuensis Stein Helge Solstad svaret på kvifor ein jazzgitarist kan spele så variert – sjølv om songen er den same. Han dreg parallellar til sjakk og ikkje minst til Magnus Carlsen si intuitive evne til å skape overraskingar.

Klima- og miljørapporten for 2019 er klar. Den viser at Høgskulen i Volda har lågare utslipp som følgje av reiser, og at fokus på kjeldesortering gir resultat.