Om Høgskulen i Volda

Det nye semesteret er i gang, og nye studentar kjem til Høgskulen i Volda. Alle studentar får no registrere seg på veven med brukarkonto for studentnettverket, e-post og e-læringssystem. På høgskulen sine studentsider får ein også registrere utdanningsplanar.

Arbeidsmiljøutvalet (AMU) inviterer alle tilsette ved HVO til HMS-dag tysdag 18. november kl 09.00 i Strøm-auditoriet. - Helse, miljø og sikkerheit (HMS) er eit lovpålagt satsingsområde innafor norsk arbeidsliv. Enkelt sagt skal arbeidsgjevaren syte for at omsynet til arbeidstakarane si helse, velferd og sikkerheit blir tatt i vare, seier hovudverneombod Rune Mo.

- På grunn av den nye finansieringsordninga får høgskulen utteljing for produksjon av studiepoeng to år på etterskot, noko som gjer at Høgskulen i Volda kjem noko dårlegare ut enn universitets- og høgskulesektoren som heilskap, kommenterer direktør Jacob Kjøde jr. om framlegget til statsbudsjett for 2004.

Måndag sender HVO ut ein e-post med Oppstartundersøkinga 2003 til alle nye studentar. - Dette er god hjelp, kommenterer Jonny Roar Sundnes frå Studieadministrasjonen. Saman med respons på rekrutteringsarbeidet ved høgskulen gir undersøkinga oss viktige tilbakemeldingar om semesterstarten.

Torsdag 14. august heldt Nasjonalt organ for kvalitet i utdanninga (NOKUT) sitt styremøte ved Høgskulen i Volda.
– Dette gir oss god kontakt og dialog rundt aktuelle problemstillingar, kommenterer rektor Gunnar Stave ved Høgskulen i Volda.

Det nye styret ved Høgskulen i Volda er no klart med fire eksterne medlemmer og tre varamedlemmer. Distriktsarbeidssjef ved Aetat Ulsteinvik, Elisabeth Sundgot (bilete) og Per Eivind Kjøl frå NTNU er nye eksterne styremedlemmer frå 1. august 2003 til 31. juli 2007.

Stadig fleire jenter søkjer utdanning ved høgskulane, fortel rektor Gunnar Stave ved Høgskulen i Volda. No er berre ein av tre studentar menn, kommenterer han til NRK. Særleg sosialfaga og lærarstudia har gode opptak – og fleirtalet av søkjarane er jenter.

Dei tre høgskulane i Møre og Romsdal og Høgskulen i Sogn og Fjordane utviklar databasesystemet saman.
- Trass i store overskrifter om vanskar med høgskulesamarbeid har høgskulane likevel praktisk samarbeid. Vi går no saman om å utvikle databasesystem for studieinformasjon, fortel prosjektmedarbeidar Jonny Roar Sundnes frå Høgskulen i Volda.

- Molde sitt nei gir oss no eit nytt utgangspunkt, seier rektor ved Høgskulen i Volda, Gunnar Stave. Vi satsar framleis på å vidareutvikle god kontakt og samarbeid mellom høgskulane med tanke på å fylle våre roller som samfunnsinstitusjonar, påpeikar rektor Stave

- Ei samanslåing er avhengig av støtte frå fagleg tilsette, sa styremedlem Harald Kjølås då han innleidde Volda si diskusjonsrunde om høgskulesamarbeidet.