Avdeling for humanistiske fag og lærarutdanning

Konkubiner, mektige embetsmenn og ydmyke tjenere i Ngaoundere, Nord-Kamerun var temaet for doktorgradsarbeidet til Marte Bogen Sinderud ved Høgskulen i Volda. Hun disputerte nylig for doktorgraden ved Universitetet i Oslo, og arbeidet har vekket interesse.

25. april disputerte Jens Johan Hyvik ved Historisk institutt. Disputasen fann stad på Universitetet i Oslo, og det var i underkant av 30 personar som følgde disputasen. Avhandlinga er skriven innanfor prosjektet ”Det opne språket” ved Ivar Aasen-instituttet, og har tema“…hvorfor har Norge ikke et eget nationalt sprog? - Språk og nasjonale førestillingar i Noreg 1739-1850".

Hilde Dybedal Eikeset (49) og Ingard Hollevik Tangevik (25) er begge sosionomstudentar, og i september reiser dei til Kenya for å praktisere sosialt arbeid. Den siste tida har gått med til refleksjon og førebuing til opphaldet.

Lærarstudentar og tilsette ved lærarutdanninga har dei tre siste dagane delteke på seminar om psykisk helse i skulen. Kari Anne Osborg i arrangementskomiteen meiner at temaet for seminaret er svært relevant for komande lærarar.

Clifford Christians er professor frå Communications and Media Studies ved Universitetet i Illinois og tek del på etikk- og religionsseminara ved HVO denne veka. Fredag kl. 12.15 held han gjesteførelesing om mediaetikk. Christians er svært godt kjend som lærebokforfattar og forskar innan media og etikk.

Mastergradsstudentar på Kulturmøte har høve til å vere ein del av forskingsprosjektet ”Kulturperspektiv mellom bønder og embetsmenn”. Prosjektet vil lyse ut åtte stipend og studentane vil vere ein del av eit forskingsnettverk.
– Vi er svært nøgd med at vi fekk tilslaget og ser på dette som ei utfordring, seier prosjektansvarleg Atle Døssland ved Historisk institutt. Prosjektet har fått seks millionar gjennom Forskingsrådet sitt program for strategiske høgskuleprosjekt.

Lesegranskingar syner at born i nynorskområde treng å møte meir nynorsk i kvardagen, slik at dei vert trygge og gode språkbrukarar. Torsdag 17. april skipar difor Nynorsksenteret til konferansen Språkstimulering. Konferansen, som skal vere i Bergen, samlar 140 interesserte deltakarar. Frå ulike innfallsvinklar skal fagfolk og forfattarar ta føre seg korleis born kan ta dei første stega inn i den nynorske skrifta, til dømes gjennom bruk av den nynorske barnelitteraturen eller språkstimulering på datamaskina.

Onsdag 16. april vil professor Domhnall Mitchell frå NTNU halde ei opa gjesteforelesing om dei politiske veggmåleria i Nord-Irland og deira funksjon. I meir enn hundre år har store utandørs veggmåleri blitt brukt som politisk markør, propaganda og signal i dette politisk konfliktområdet. Forelesinga vert halda kl. 15.15 i Vesle auditorium, Berte Kanutte-huset ved Høgskulen i Volda.

Denne helga kan du få med deg vakre tonar frå Symfoniorkesteret ved Høgskulen i Volda saman med Høgskulekoret i Volda. Dirigent Rune Bergmann lover høgdepunkt frå året som gjekk under vårkonsertane.

Dosent i nordisk litteratur, Rakel Christina Granaas og professor i nynorsk skriftkultur, Jan Inge Sørbø er to av bidragsytarane til den nyleg utgjevne ”Krysninger”. Boka kjem med nye perspektiv på moderne nordisk lyrikk.