Bibliotek

Førre veke lanserte Utdanningsdirektoratet ein idé- og ressursbank for fysisk aktivitet. Akkurat no finn du 105 aktivitetar i ressursbanken, i tillegg til rettleiingsmateriale, faktastoff og relevante lenker.

Forskningsetisk bibliotek (FBIB) er ein ny, open internettressurs i forskingsetikk. Det er resultatet av ei satsing frå De nasjonale forskningsetiske komiteer, og er realisert gjennom eit samarbeid med alle dei sju universiteta i landet. FBIB tilbyr ei mengde ferske tekstar innan eit breidt spekter av forskingsetiske emne, spesialforfatta av over 50 forskarar og forskingsetikarar.

Biblioteket har brukt sommaren til å legge om utlånssystemet frå strekkoder til radiobrikker. Det har vore ein stor sjau, men vi har kome godt i mål. Nokre barnesjukdommar må vi rekne med, men alt i alt trur vi det skal fungere godt.

Søkjemotoren WolframAlpha er no på lufta! Dette er ikkje ein søkjemotor i vanleg forstand, men ein kunnskapsmotor som brukar avansert matematikk for å rekne ut svara. Enkelte har omtalt WolframAlpha som ein utfordrar til Google. På nokre måtar stemmer nok det, men dei to tenestene er likevel svært forskjellige.

I år er det 250 år sidan folkeopplysningsmannen Sivert Aarflot vart fødd og 200 år sidan oppstarten av Aarflots prenteverk.
Biblioteket ved HVO vil gjerne vere med på markeringa av jubileet. I det høvet har vi laga til ei bokutstilling, med materiale frå eigne samlingar, som set søkjelys på verksemda til Sivert Aarflot.

I perioden 4. mai - 13. juni har vi utvida opningstid i helgene:

Fredag: 08.30-18.00
Laurdag: 10.00-16.00

Lykke til med eksamen!

Biblioteket kan for 2008 vise til ein utlånsauke på heile 9%, noko vi må seie oss svært godt nøgde med! Dette forsterkar berre den tendensen vi har sett dei seinare åra, med stadig stigande utlånstal. Med tanke på at stadig meir informasjon er tilgjengeleg i fulltekst på internett, er auken spesielt gledeleg. "Det papirlause biblioteket" verkar for vår del å vere langt unna.

Nettstaden www.hamsun.no er ein sentral kommunikasjonskanal i jubileumsåret for Knut Hamsun. På hamsun.no finn du aktualitetsstoff og informasjon om Hamsun-arrangement i inn- og utland. Ressurstorget gir oversikt over foredragshaldarar, framsyningar og andre Hamsun-relaterte ressursar.

Språkrådet og Direktoratet for forvaltning og IKT har lansert ein ny nettstad for statstilsette: www.klarspråk.no. Nettstaden er ein del av prosjektet "Klart språk i staten", som vert finansiert av Fornyings- og administrasjonsdepartementet.

Social Care Online er ein britisk database innan sosialt arbeid. Det er den mest omfattande gratis databasen i Storbritannia innan dette feltet. Basen dekkjer forsking, offentlege dokument, tidsskriftartiklar og nettstader. Søkeresultata gir ei blanding av referansar, abstracts, fulltekst og lenkjer til vevsider.