Bibliotek

Social Care Online er ein britisk database innan sosialt arbeid. Det er den mest omfattande gratis databasen i Storbritannia innan dette feltet. Basen dekkjer forsking, offentlege dokument, tidsskriftartiklar og nettstader. Søkeresultata gir ei blanding av referansar, abstracts, fulltekst og lenkjer til vevsider.

Forskningsrådet har vedteke nye prinsipp for open tilgang til vitskapleg publisering. Prinsippa slår fast at vitskaplege tidsskriftartiklar som byggjer på FoU-prosjekt finansiert av Forskningsrådet, skal lagrast i opne digitale arkiv og dermed gjerast tilgjengelege for alle interesserte. Forskningsrådet understrekar likevel at slik arkivering ikkje må bryte med forfattaren og utgivaren sine rettar.

Store Norske Leksikon er no gratis tilgjengeleg for alle. Leksikonet som har ein historie som strekkjer seg 100 år tilbake i tid, har no teke steget fullt ut og gjort alle artiklane fritt tilgjengelege på nettet. Nettstaden har fått namnet snl.no, og gir tilgang til 300.000 kvalitetssikra artiklar.

Prosjektet "E-diktet" i Østfold tilbyr gratis e-postabonnement på nyskrivne barnedikt. Prosjektet har vorte svært populært og over 1100 har til no meldt seg på lista som er open for alle.

Nye nettlesarar har eit eige søkefelt øvst i høgre hjørne. Med dette kan ein gjere søk i bestemte søketenester uavhengig av kva nettside ein har oppe. Dersom du kjem over eit vanskeleg ord på ei norsk nettside eller treng å omsetje eit ord i ei engelsk nettavis til norsk, kan det vere nyttig å søke direkte.

Krigen på Gaza-stripa den siste tida har igjen aktualisert Palestina-konflikten. Biblioteket vil gjennom ei utstilling av bøker frå eigne samlingar prøve å sjå denne konflikten i eit breiare perspektiv.

I høve Kulturminneåret 2009 inviterer ABM-utvikling (Statens senter for arkiv, bibliotek og museum) alle til å leggje inn forteljingar på Digitalt fortalt. Digitalt fortalt er personlege forteljingar knytte til kulturminne frå heile landet.

I høve Samisk nasjonaldag 6. februar har biblioteket laga til ei lita utstilling. Nasjonaldagen vart vedteken av Samekonferansen i 1992 og er felles for alle samar i Noreg, Finland, Sverige og Russland.

FORMakademisk er eit nytt forskingstidsskrift for design og designdidaktikk. Tidsskriftet er basert på Open Acess, og er såleis tilgjengeleg for alle interesserte. Målsetjinga til FORMakademisk er å skape ein arena for forsking innan design og designdidaktikk, og gjennom dette utvikle eit interesse- og arbeidsfellesskap for forskarar på feltet.

Biblioteket markerer den internasjonale Holocaustdagen 27. januar med ei lita utstilling. Holocaustdagen er til minne om den 27. januar i 1945 då styrkar frå den sovjetiske Raude armé frigjorde dei om lag 7000 attverande og overlevande fangane i Auschwitz.