Forsking og utvikling

Professor Stephen Walton ved Høgskulen i Volda fekk Språkprisen 2009 for framifrå nynorsk i sakprosa. Prisen var delt ut under Språkdagane 2009, som Språkrådet heldt på Grand hotel i Oslo 11.nov. - Den nynorske prisvinnaren er ei bevisst og tydeleg forfattarstemme i norsk sakprosa, skriv www.sprakrad.no.

— Då har Per Halse gjennomført ein særs vellukka disputas over avhandlinga "Gudsord og folkemål. Framveksten av nynorsk kyrkjespråk 1859-1908." Denne disputasen var ein fest, skriv teolog og forfattar Anders Aschim i sin BlixBlog. Tonen var velvillig, og doktoranden fekk mykje ros for grundig kjeldearbeid og engasjerande forteljing.

Førsteamanuensis Hans Jacob Orning ved Historisk institutt i Volda skal vere redaktør og forfattar for den nye Noregshistoria. – Eittbindsverket på om lag 700 sider skal ut i slutten av 2010, så vi er allereie komen i gong med skriveprosessen, kommenterer historieforskaren, som har fått med seg kollegaene May-Brith Ohman Nielsen frå Universitet i Agder og Magne Njåstad frå NTNU som medforfattarar.

Terje Aarset er førsteamanuensis i norsk språk ved Høgskulen i Volda, og kom denne veka ut med boka Den nynorske songskatten. Søndag 11. okt. kan du høyra Aarset i Songtime på NRK radio kl. 8.07. Boka tek føre seg historia om femten songar og har fått særs gode kritikkar.

Førstelektor ved Høgskulen i Volda, cand. theol. Per Halse, har fått godkjent avhandlinga "Gudsord og folkemål. Framveksten av nynorsk kyrkjespråk 1859-1908" for prøving til doktorgraden ved Universitetet i Oslo. Dei offentlege prøvene finn stad ved Det teologiske fakultetet 20. og 21. oktober.

FoU-prisen for 2009 vart sist torsdag tildelt professor Michael Schulte ved Avdeling for humanistiske fag og lærarutdanning. Mange møtte fram til prisutdelinga i biblioteket, og dei fekk med seg vakker musikk, fine taler og god mat.

Torsdag ettermiddag kan du møte fire ferske masterar frå Avdeling for samfunnsfag og historie. Stikkord for foredraga deira er likestillingspolitikk, byutvikling, legemiddelbruk og depresjon hjå ungdom.

Tysdag markerte mediemiljøet ved Høgskulen i Volda 200-årsjubileet for etableringa av Norsk Landboeblad med eit pressehistorisk seminar. Før seminaret lanserte Øystein Sande si nye bok om Sivert Aarflot på nettmøte og pressekonferanse. Her finn du spørsmåla og svara frå nettmøtet.

I dag går startskotet for den nasjonale forskingsfestivalen. På små og store stader over heile landet vil det vere ulike arrangement. Først ute i Volda er bokaktuelle Jan Inge Sørbø, som du kan møte i høgskulebiblioteket måndag kveld.

– Dette er eit viktig steg mot etablering av ein historisk befolkningsdatabase for Noreg, seier førsteamanuensis Arnfinn Kjelland, som gjennom mange år har arbeidd med utvikling av datasystem som effektiviserer registreringa og styrkjer kvalitetssikringa i arbeidet med befolkningsdelen i bygdebøker.