Forsking og utvikling

Førstelektorar ved universitet og høgskular kan etter ei ny forskrift søkje eigen institusjon om opprykk til dosent. Styret for Høgskulen i Volda (HVO) gjorde nyleg vedtak om personleg opprykk til dosent for Birger Løvlie og Jan Ove Ulstein ved Avdeling for humanistiske fag og lærarutdanning. Løvlie og Ulstein vart soleis dei første ved HVO som er blitt vurderte og fått dosentkompetanse etter denne ordninga.

Professor Kåre Heggen ved Avdeling for samfunnsfag og historie er valgt ut til å være med i et nasjonalt utvalg for ny lærerutdanning. Utvalget skal utarbeide et forslag til nasjonal rammeplan for utdanningen.

Arnljot Løseth vart nyleg tilkjent professorkompetanse i historie. Løseth har vore tilsett ved Historisk institutt ved Distriktshøgskulen /Høgskulen i Volda sidan 1985, frå 1995 som førsteamanuensis. Løseth har særleg arbeidd med sosial- og regionalhistoriske problemstillingar, i den seinare tida også med kyst- og fiskerihistorie.

Ein ny studie frå Høgskulen i Volda syner at mennene til demensramma kvinner gjer ein imponerande innsats for at ektemakane skal ha gode livsvilkår trass i alvorleg sjukdom. Studien er knytt til Helse Sunnmøre HF og Nasjonalt kompetansesenter for læring og meistring.

Mag.art. Paul Bjerke disputerer torsdag 30. april ved Universitetet i Oslo med avhandlingen "Refleks eller refleksjon? En sosiologisk undersøkelse av journalistisk profesjonsmoral".

Cand.theol. Svein Brurås disputerer fredag 24. april ved Universitetet i Bergen med avhandlingen "Kriminaljournalistikkens etikk. PFU-uttalelser belyst fra tre moralfilosofiske posisjoner".

2008 var eit svært godt år for vitskapleg publisering ved Høgskulen i Volda. Tala i databasen for høgare utdanning (DBH) viser at fagtilsette til saman har skaffa 87,8 publiseringspoeng, noko som er ein auke på 66 % samanlikna med 2007.

"Eg trur faktisk at den store utfordringa i krisa framover er behova for grunn-, etter- og vidareutdanning av godt vaksen ungdom i alle aldrar! Vi må sette nytt fokus på livslang læring." Dette skriv rektor Jørgen Amdam i ein kronikk i Kommunal Rapport.

Førstelektor Rolf Werenskjold har nyleg skrive ein artikkel i Scandinavian Journal of History om korleis dei globale protestane i 1968 vart sette på dagsorden i dei største norske avisene. Tidsskriftet Scandinavian Journal of History vert utgitt av historikarforeiningane i Danmark, Sverige, Island, Finland og Noreg, og er eit nordisk prestisjetidsskrift for historikarar. Werenskjolds artikkel kom ut i eit eige spesialnummer om 1968-opprøret i Skandinavia.

Michael Schulte fekk professoropprykk før årsskiftet, og er no tilsett som professor i nordisk språkvitskap ved Institutt for språk og litteratur ved Høgskulen i Volda. Michael er utdanna frå Universitetet i Bonn og Reykjavik, og er lidenskapleg oppteken av nordisk språk og kultur. Forskinga hans går på nordisk språkhistorie, runologi og skriftkultur. Slagordet hans er ”Språkhistorie nedanfrå” som han sette lys på t.d. i Maal og Minne 2/2008.