Studentliv

Den Norske dokumentarfilmfestivalen startar arbeidet med neste års festival. – I morgon, torsdag kl. 19.00 held vi eit informasjonsmøte i Berte Kanutte, rom 157, for å setje eit nytt styre, melder Eirik Stokstad Brødholt frå festivalgjengen. Alle som er interesserte er oppmoda om å ta del, seier han.

– No er det val til studenttinget i Volda, og me oppfordrar alle om å bruke stemma si. Det tek deg ikkje meir enn nokre minutt å stoppe opp og spørje kven kandidatane er, for så å stemme, oppfordrar leiaren i Studenttinget, Ole Martinus Breivik.

I dag har det vore Internasjonal dag her på høgskulen. Dette er ein dag rik på kultur og opplevingar for alle og ein kvar. Kantina i Berte Kanutte-huset har vore pynta med fargerike flagg og bilete frå ulike land og verdsdelar. Dei internasjonale studentane har, saman med fleire norske studentar og tilsette, stått for fargerike stands, musikk, underhaldning og ein fantastisk internasjonal lunsj.

Som ein del av Forskingsdagane 2008 kan Nasjonalt senter for nynorsk i opplæringa (Nynorsksenteret) by på eit ope seminar for lærarar, studentar og andre interesserte. Seminaret skal vere onsdag 24. september på Høgskulen i Volda.

Hva kan Høgskolen i Volda og studentene gjøre for miljøet? Veka og Voldastudentenes Miljølag inviterer til miljødebatt på Rokken tirsdag 23. september klokka 15.00.

Når seinsommaren varer lenge og lufta er lun og klar, opplever studentane i Volda ekskursjonar i fantastiske omgjevnader. Torsdag 18. september var studentar frå Skuleretta samfunnsfag på årets lokale geografi-ekskursjon med buss frå Folkestad, via Straumshamn/Bjørkedalen/Stigedalen til Hjelle og Eid. Derifrå gjekk turen over Heggjadalen til Austefjorden og Volda i det fine haustvêret, fortel Norleif Vik.

Den mest morosame mannen i Noreg, ein R.E.M.-medlem og ein heidundrandes revy er noko av det du kan oppleve under Veka. Tradisjonen tru opnar Veka med revypremiere av Vekerevyen ”Operasjon galskap”.

Femten journaliststudentar, tre informasjonsstudentar og lærarar frå Høgskulen i Volda er denne veka med på øvinga Mørejarl. Her øver militært personell frå Heimevernet saman med nødetatane og frivillige organisasjonar. Dette er den største øvinga i sitt slag på Nordvestlandet. Informasjonsstudentane arbeidde ved sjølve pressesenteret og tok føre seg reell PR for den verkelege øvinga.

Bachelor- og masterstudentar frå Institutt for planlegging, administrasjon og samfunnsfag ved ASH var i går på vitjing i den maritime klyngja i Ulstein, nærare bestemt hos Kleven Maritime. Fokuset for ekskursjonen var regional planlegging og utvikling i praksis.

- Vi skaper ein festival med breidde. Born, vaksne, studentar og andre skal verte overraska, kommenterer Sylvia Claussen. Ho er leiar for Animasjonsfestivalen 2008, og presenterer eit program med ei verdspremiere og to noregspremierer. Festivalen skiltar med mellom anna Christopher Nielsen i juryen og kjende internasjonale animatørar på gjestelista.