Lærarutdanning

Institutt for sosialfag og førskulelærarutdanninga ved Høgskulen i Volda arrangerer seminaret ”Saman om omsorg for barn” – forkorta til SOM-seminaret 2009. Høgskolelektor Anne Marie Verpe fortel at arrangementet er lagt opp som fagdagar for studentar over fire dagar. – Seminaret vekslar mellom faglege innlegg ved representantar både frå praksisfeltet og høgskulesektoren, og gruppearbeid for deltakarane.

Rebekka Wilhelmsen Solheim (28) er spesialpedagogisk rådgjevar ved PPT for Indre Sunnfjord. Ho var ferdig med mastergrad i spesialpedagogikk ved høgskulen i vår, og tykkjer at studiet har gjeve verdifull kunnskap til å kunne gå ut i arbeidslivet. – Eg har alltid vore oppteken av korleis ein kan leggje til rette og tilpasse opplæringa for alle dei ulike elevane ein møter i ei klasse, og har sett utfordringane i praksis gjennom arbeid i skulen på ulike klassetrinn, seier ho.

– Julekonsertane er også platelansering, melder dirigent Rune Bergmann. Symfoniorkesteret og koret ved Høgskulen i Volda gir ut plate med ny og gamal julemusikk. Vi finn nykomponerte låtar av studentar saman eldre klassikarar på plata. – Eg er så glad for å få med så mange lokale krefter på dette, seier Bergmann, og inviterer samstundes til julekonsertar både i Volda og Ulsteinvik i samband med platelanseringa denne veka.

Professor Lars Inge Terum var student i Volda på syttitalet, og er no tilbake ved Høgskulen i Volda som professor II frå 1. oktober 2008. Han skal særleg vere knytt til eit stipendiatprogram i profesjonsretta forsking som etter planen skal setjast i verk frå nyttår. I tillegg er han knytt til oppgåver ved Institutt for sosialfag og Institutt for pedagogikk.

Nynorsksenteret på Høgskulen i Volda har samarbeidd med Snöball film om ein ressurspakke for lærarar som underviser i nynorsk som sidemål i grunnskulen. - No sender Nynorsksenteret ut ressurspakken på DVD til alle ungdomsskular, høgskular og universitet i landet, melder informasjonskonsulent Arild Torvund Olsen ved Nynorsksenteret.

First Lego League (FLL) vert arrangert i Høgskolen i Ålesund sine lokale den 8. november. 24 andreårsstudentar ved Bachelorgradsstudiet i media, IKT og design har førebudd seg i tre veker for å sende levande bilete av arrangementet på internett.

Om lag 700 barnehagetilsette frå kommunane i Sjustjerna (Hareid, Herøy, Sande, Ulstein, Vanylven, Volda og Ørsta) er i dag samla på Høgskulen i Volda og i Herøy kulturhus for å starte opp eit fagleg løp med kompetansebygging og utviklingsarbeid i barnehagane. Prosjektet er ein del av storsatsinga i Barnehageløftet, og er eit samarbeid mellom Sjustjerna og Høgskulen i Volda.

– Høgskulen i Volda og Norsk nettskule AS har gått saman om ein rammeavtale med overordna mål om å byggje opp under Volda som felles studiestad og leverandør av studium med høg kvalitet og fleksibilitet, forklarar prosjektleiar Oddbjørn Nes ved Kontor for etter- og vidareutdanning.

Kompetanseheving for lærarar og skuleleiarar er ein sentral del i gjennomføringa av Kunnskapsløftet. Avdeling for humanistiske fag og lærarutdanning (AHL) har teke mål av seg til å vere ein sentral samarbeidspartnar for skulane i regionen, og satsar på etter- og vidareutdanning der kompetansenettverk, prosjekt og intern skolering er viktige element.

-No er det fullt hus, seier ein smilande prosjektleiar, Grete Dalhaug Berg. Onsdag 11. september har over hundre kunnskapshungrige pedagogar meldt seg på fagdag i spesialpedagogikk. Temaet i år er spesialpedagogikk i barnehagen. -Vi har fått tak i mange gode forelesarar, så no er vi ekstra glade for at så mange har sett av dagen, seier Berg.