Populær og viktig konferanse
Over 100 personar deltok tysdag på ein konferanse om læringsteknologi for ungdom med Asperger og Tourettes syndrom.
Over 100 personar deltok tysdag på ein konferanse om læringsteknologi for ungdom med Asperger og Tourettes syndrom.
Silje Ims Lied i institutt for pedagogikk arrangerte denne konferansen saman med ei tverrfagleg prosjektgruppe som forskar på læringsteknologi knytt til elevar med AS/TS.
Prosjektgruppa består av representantar frå Møreforsking Molde, Høgskulen i Volda, Nasjonalt kompetansesenter for nevroutviklings-forstyrrelser og hypersomnier (NevSom), Sintef Digital, Ulstein kommune, Arena for læring om velferdsteknologi (ALV Møre og Romsdal), samt lokalforeiningane i Møre og Romsdal for brukarorganisasjonane Autismeforeningen og Norsk Tourettes Foreining.
Prosjektgruppa er initiert og leia av seniorforskar Lidun Hareide ved Møreforsking Molde.
I konferansen fekk ein til dømes presentert ulike funn frå prosjektet, ein fekk eit innblikk i kva utfordringar desse ungdomane kan møte i sin skulekvardag, og nokre tips om tilrettelegging i skulen . Ein fekk også presentert forsking knytt til spelbasert læring, og ei oppmoding om å nytte teknologi i undervisninga om det er det som viser seg å fungere godt for eleven.
