Forskingsdagane på torsdag: Har du tillit til kunsten?

Tillit til kunsten er stikkord for ein innhaldsrik fagdag under festivalen Forskingsdagane 2026 ved Høgskulen i Volda (HVO).

Fagdagen torsdag 24. september er initiert av forskingsgruppa Kunstnarisk forsking ved HVO og støtta av Noregs forskingsråd (NFR). Arrangementet er gratis og ope for alle.

• Her kan du lese meir om årets forskingsfestival: Tillit er temaet for Forskingsdagane

Kunstnarisk forsking for danning og demokrati

Kunsten har ein viktig funksjon i å utfordre og kommentere samfunnet, og er ein del av den nasjonale totalberedskapen. Samstundes ser vi ein aukande mistillit til kunsten i offentlegheita, særleg i ikkje-redaktørstyrte medium og ekkokammer på nettet.

I akademia er kunstnarisk forsking og utviklingsarbeid lovfesta likestilt med vitskapleg forsking, men i praksis opplever mange fagtilsette at feltet framleis må forsvarast. Kva rolle kan kunstnarisk forsking spele for danning og demokrati i dagens samfunn?

Med eit breitt program og ulike format ønskjer vi å opne forståinga for kva kunstnarisk forsking er, og kva kunnskap denne forskinga tilbyr.

• Festivalen varer til 27. september: Sjå heile programmet for Forskingsdagane 2026 her.

Programmet for fagdagen «Tillit til kunsten»

10:00: Det var en gang et tre.

Open barneframsyning – eit utviklingsarbeid med røter i  barnehagelærarutdanninga.

Stad: KN056 (Stanislavskij-salen) i Henrik Kaarstad-huset på HVO.

Velkomen til ei framsyning for dei aller yngste (1–3 år) der studentar og andre vaksne er inviterte med inn i rommet som observatørar. Framsyninga blir nytta som ein masterclass-undervisning.

Ved førstelektor Hege Holmqvist Synnes og høgskulelektor Maja Skogstad frå Institutt for teater på Avdeling for kulturfag (HVO).

11:30: Kunstmøte i barnehøgd – tillit til dei yngste.

Ein multimodal presentasjon om eit tverrkunstnarisk forskingsprosjekt.

Stad: KN056 (Stanislavskij-salen) i Henrik Kaarstad-huset på HVO.

Ved førstelektor Hildegunn Hovde frå Institutt for musikk på Avdeling for kulturfag (HVO).

12:15: Boklansering: Visuell musikk design fiksjon.

Stad: KN056 (Stanislavskij-salen) i Henrik Kaarstad-huset på HVO.

Lansering av boka Visuell musikk design fiksjon frå Trygve Selnes Nielsens ph.d-prosjekt.

Ved høgskulelektor Trygve Selnes Nielsen frå Institutt for film og animasjon på Avdeling for kulturfag (HVO).

– Pause –

14:00: «Tillit til kunsten».

Ein samtale om kunsten si rolle i samfunnet, og kunst og kultur som del av totalberedskapen og behovet for kunstnarisk forsking.

Stad: Kantina i Berte Kanutte-huset på HVO.

Med Trine Røssevold (kunstnar og rektor ved Ytre kunstfagskole) og Eirik Velle (skodespelar). Moderator: førstelektor Hege Holmqvist Synnes (HVO).

– Pause –

16:15: (H)av-fall – vegen etter MA.

Om a/r/tografi og kunstnarisk utforsking på eige skapande arbeid og moglegheiter som har opna seg etter MA-oppgåva «(H)av-fall».

Stad: BK161 i Berte Kanutte-huset på HVO.

Ved Cecilie Hole, kunstnar og timelærar ved Høgskulen i Volda.

16:45: Språkleg identitet og interkulturell forståing med hiphop-teateret Blindsone.

Presentasjon av kunstnarisk forsking og utvikling i Den kulturelle skulesekken.

Stad: BK161 i Berte Kanutte-huset på HVO.

Ved høgskulelektor Guro Kristin Gjøsdal frå Nynorsksenteret (HVO). 

18:00: «Villskap» – danseframsyning.

Framsyning ved dansekunstprosjektet YKS Ung.

Stad: Kantina i Berte Kanutte-huset på HVO.

Kunstnarisk leiar: Solveig Styve Holte. Sjå festivalprogrammet for alle medverkande.

19:00: Kunstnarsamtale om «Villskap».

Etter danseframsyninga kan du få med deg ein artist talk med det kunstnariske teamet til produksjonen «Villskap».

Stad: Kantina i Berte Kanutte-huset på HVO.

Med koreograf/prosjektleiar Solveig Styve Holte (ph.d. i kunstnarisk utviklingsarbeid) og komponist/utøvar Lars Ove Stene Fossheim (høgskulelektor ved Institutt for musikk på Avdeling for kulturfag, HVO). Moderator: førstelektor Hildegunn Hovde (HVO).